 |
| حسين السلطاني مو مال تكتبلك قصيده مكتوبه |
حسين السلطاني مو مال تكتبلك قصيده مكتوبه
مو مال تكتبلك قصيده وترتاح مكتوبه
مامستعد ، مو بيدي ، خايف ، مهضوم
والله وماجاي اگدر احجي ومصدوم
ماجاي اوصل الفكره صح ،بس مرات
من تحجي گلبك يطلع من البلعوم
مو مال تكتبلك قصيده وترتاح
لا والله مال اتكض تفگتک وتگوم
ملچوم ؟ أصرخ ياهو اليصدگ بيك
لو تنتحر لو ماتبين ملچوم
ملجوم صرخ صرخ ياهو اليصدك ملجوم
محد يصدك لو تنتحر لو ماتبين ملجوم
مرات تطلع مختنك من البيت
بس ماتميز الشارع من الغرفة
ومرات تسمعلك كلمة ودكول
لو مو راد جا مااسامعها
وتروح وترد وانت صدرك مخنوك
وتروح تشرب ماي بس ما تطفه
وتتگلب وما تغفه اذا ماترتاح
هوه انت ماترتاح اذا ماتغفه
نفسك عزيزه .. وصعبه ما تكتلها
والدنيا ما تستاهل تكملها
ما تسوه ترفع عينك بعين الناس
لو عينك بعين الله لو نزلها
لو ما ضحكت ياهو اليباوع بيك
هاي الحقيقه وياهو يتقبلها
جا مو شرط من تالي تعرفهم زين
مرات تاليتها من اولها.
شوف التعاطف وين راح يوديك
لازم تحاسب نفسك وتسألها
يوميه موقف رادك صم تراب
لو بين يوم ويوم تتحملها
يوميه تسمع كلمه وترد كبران
وتكول لو ما جاي ماكايلها
ترعش .. لحد ما منك تطيح جفوف
والقلق يمشي بروحك وياكلها
والجايات شويه .. والراح هواي
وهاي المشاكل وكت يرادلها
واول وتالي تموت وترد للكاع
وتموت وياك امنياتك كلها