 |
| يحيى العلاق المثلي بنضرة وحدة مكتوبه كتابه |
يحيى العلاق المثلي بنضرة وحدة مكتوبه كتابه
يحيى العلاق المثلي بنضرة وحدة
المثلي بنضرة وحدة الفكرة توصلة
اتوقع قريبآ عني يتخلى
واصير انسان عابر حالي حال الناس
والتعب التعبتة ينكر كلة
والحب والمشاعر؟ يامشاعر هاي
ذني استهلكن وانرمن بالسلة
طيب والرسايل ؟ انت والمرسال
بقائمت التجاهل راح تتخلة
ماكلي ارد اعوفك .. يعني مو إلا
اليحس مالة داعي الباب يندلة
اليحس اليحبة بالة مو وياه
يكعد يمة ساعة وكلمة ميكلة
هنا يعني الكرامة قربت تنداس
هنا يصبح وجودك منتى الذلة
لا بعدة يحبني ..؟ وشبعد وشخلى
ارجع للسوالف تعرف العلة
اول خطوة لمن صار رسمي وياك
الخطوة الثانية يدورلك الزلة
لو يطلع وياك بقصة مو ع البال
لو يدخل عليك بلغز متحلة
جذب تشويه صورة المهم يتبلى
المايعرف يحب خل يسكت احسلة
الناوي يروح لو تسجدلة هم يروح
عوفة براحتة .... فدوة ابقة لتكلة
والزم دمعتك وفرها لليسوون
لاتصرف دمع للجاي يسلة
مو شرط الجريمة اثر دم وسلاح
اليلعب ع المشاعر بشر كاتلة
ربك ما يضيع دعوة المجروح
باوع للسمة وادعيلة بالمثلة