 |
| حسين الكعبي رثاء علي الفريداوي |
حسين الكعبي رثاء علي الفريداوي
بگلوبنا شگد حزن
خلصنة كل العمر نكتب رسايل عشگ لعيون ماتقره
اندگ عالحديد بخشب
بالماي نشعل حطب
مصدگين عدنا امل بي تشتعل جمرة
كلشي النريدة صعب
خلص عمرنا ملل والدنيا ضدنا مشت عشناها بالقدرة
من السما لو نزل
يوم الثلج نحتفل
بس احنة فوگ الرمل
ونعيش بالصحرة
الدنيا كلها وقت بيها مواسم تمر
تتجدد وتنتهي
الطير المهاجر يجي حاسب حساب الزمن
ويطير عندة وقت وي موسم الهجرة
اليرحل قبل موسمة
شي مو طبيعي ترة
وعدنا طبيعي لان يمنا السمة تحزمت
والموت دگ صدرة
گالولي وتفاجئت ماصدگت بالخبر
والعالم تنشرة
ليموت قبل الدفن
واحد يلقنه حچي
من گلك انته متت وصلتلك الفكرة
بنبرة حنينهة صحت اني عدل ياهلي
محد عليك التفت
تارس الدنيا چنت ضليت بس ذكره
كلش فراگك صعب
المحبس يصيبه العمه من تشلع الشذرة
كلش فراگك صعب
كلما منصة شفت فوگاها احس تقرة
ياصاحبي استعجلت
شبسرعة دارت سنه اطشر وراك العمر
والحابك من رحت مابي طعم عمرة