 |
| رائد ابو فتيان لا تشرحلي انه الجذاب ما فهمة مكتوبه كتابه |
رائد ابو فتيان لا تشرحلي
لا تشرحلي انه الجذاب ما فهمة مكتوبه كتابه
لا تشرحلي انه الجذاب ما فهمة
انتهت و وركابنه بيناتهن ذمة
تره من اضحكت مو يعني كلبي بخير
مرات الخلك تضحك من الصدمة
ومرات الدمع مايلكه فرصه يطيح
ترة الفشلان بجيه شفاف مبتسمه
انهي البينه بس مو بهيج اعذار
هسج الجاي هنته الرايح احترمة
جاي تكلي صعبه نخلي ايد بيد
وانه مرات صدري لصدرك اتضمة
هو الرايدك يعرف ضرف وسباب
بس كله اكو ثاني بحبك محشمة
الحب كل ما صعبه يغلى عليحبون
ترة يضحك علينه اليحجي بلقسمه
اذا عندك وكت ساعدني علنسيان
وبلكت تفهم الماكاعد افتهمة
ومن اشتاكلك بعد ثنعش بليل
وتبدي العاطفه تضحك على الحكمه
شدير لعيني غير سوالفك وتنام
بشنو يكابل الليل الولفه مو يمة
ارد اقرة الرسايل خاف ما رديت
وصلت المرحله مكتوبك اشتمة
وخاف اطفي الضوه وحشة الليل تزيد
وضل وحدي وصورك علي ملتمه
جنت جاهل واخاف الظلمة عذري وياي
هسة شطولني وخايف من الظلمة
وكلت انساك بس مشكلة اليحب حيل
كل شي يكول لمن يحترك دمة
يهنيال الطفل بلعبرة مايحتار
يلم ادموعه ويذبهه بحضن امة
بس بحضك وبختك شكو لجمة
يلمتعافي يلماتعرف النعمة
عساك بواحد يعيشك مرارة وياه
وشما كتله كافي يرفع خشمهة
ردنه نصير واحد بس بقينه ثنين
انتهه البيناتنه وكلمن مشه بحلمه
كل القصائدالوطنيه والرثاء للشاعر رائد ابو فنيان هناااااا
كل القصائد الوجدانيه للشاعر رائد ابو فنيان هناااااا
كل القصائدالحسينيه للشاعر رائد ابو فنيان هناااااا
كل القصائدالغزل للشاعر رائد ابو فنيان هنااااا