 |
| احلى توضيف للطفل او الطفوله |
احلى توضيف لللطفوله والساعه
شعر عن الطفولى والساعه
وتذكرنا ابونا النطلع وياه
وعلينا جروح ردت ذيج السنين
يا درب النطبله يكول مكطوع
حفاي ونفر كل الدرابين
يخاف نحرجه ثاري الدرب مفتوح
الدرب مكطوع يقصد بي دكاكين
الشاعر رائد ابوفتيان
اعصابي سواهن حبل
يتمرجح بواهس طفل
وماجنت اخلي بخاطره
وماكتله ياماتمرجحت
زعلان منه لخاطره
ولخاطره ماصالحت
الشاعر جبار رشيد
تمنيت أن تطرق الباب في رقة العاشقين
وألمح طائرة الأمس في ناظريك
أقبل فيك صديقي القديم
ونرجع طفلين نلعب تنهي اغترابك فيّ
وأنهي اغترابي
الشاع مضفر النواب
اكو ناس هواي تسأل ما الفرق بين الاطفال والجهال
الاطفال يعني ضحكه يعني عيد يعني
مرجوحه واغاني واحتفال
والجهال انا مجبر عاشرتهم وعاشروني وبشظايا الجهل همه كطعوني
ولذلك اعتبرهم قنبله وموضع قتال
واني متأكد اكيد يموتوني لا محال
خل اموت ما افكر هي ياهو البيها ظال
انا افكر بالقيامه خاف اطب الجنه سهوا والكه كدامي الجهال
الشاعر عبد الحسين الحلفي
اعله كَد عقلك انطيتك من ردتها حساب
بجف طفلة حسبت ايامك المرة
الشاعر رائد ابو فتيان
اطفال نمنه واخذ حصته الزمن الشاعر رائد ابو فتيان
جنه ازغار نكعد وكت الغروب
اباب الدار ننطر جيت ابونه
يرجع مبتسم بس وجهه تعبان
او من ايشوفنه ايضحكن اعيونه
يجي محمل ابونه اشكال ولوان
او تضل اتلوم بي امنه الحنونه
تعبك هذا تعبك لا يبو افلان
تتعب ولزغار ايضيعونه
لاكن يبتسم ودموعه بالعين
او يكل لمي التعب يستاهلونه
هذوله احزام ضهري ابساعةالضيج
ولج بلشده يو افلان عونه
الشاعر عادل محسن
..
فدوة ارجع بحجة خل نقيس الطول
اخر مرة شفتك مالحتها اشفاك
كبل كتلي "طفل"
بس هسة هااا شدكول
الشاعر ياسر فليح
طفل جاع أعله صدر امه شتذبله العاب
هو الماتت امه تسكته لعــابه
رائد ابو فتيان
وحدة وذكرياتك ما تعبرة الليل,,شتسوي الصورة للماشايف احبابة ,,طفل جاع على صدر امه شتذبله العاب ,,هوة الماتت امه تسكتة لعابة ..
الشاعر رائد ابو فتيان
كون أنرد جهال التاتي توات
ويجينة الطنطل وصوت الرعيدة
أو..نداوم صبحي وي درس العصافير
ونقرة أبشامتچ يا ست وحيدة
ونركض من نحِّل حفاي للبيت
ونشاور بعض ها....شفتوا غيدة
شفتو أش..أشرت لبن ابو الدكان؟؟
حمامة سيد ورادت تصيده
ونسألها يعيِّدة الشوط ياشوط
أوشنحمله الهوى عيدة ونزيدة
أيييييياه أشرجع السبعين للبال
بخت ينراد للذكرى السعيدة
الشاعر جواد الحمراني
بوسة توزع جنت لاي طفل واكف عدل
وانة اصفط كًمت
وبحجة اركد ولك صرت اني ثاري طفل
ضوجني واحد ورة
يدفع وباوعت ثاري انت واكف سرة ما شفت بوسة كًبل
الشاعر يوسف الدراجي
شتنكط انت نحل !!
كلش يتيم اعتذر
ماشفت مثلك كبل
شايل فريسه ونسر
شايل ترافة طفل
العدل لويسمعك يتخربط وينكتل !
عل المات جرب تمر يموت كلش بعد ما اظن يرجع عدل
منقول
طفل دزيته لاذنك شيب ومات
علقبله كاع اذانك يرفس الصوت
الشاعر محمد وجيه
اه يادنيه صدك مابيج امان
وفرق بين اليوم وايام الزغر
جانت كَلوب البشر تنصع بياض
هسه لون كلوبهم ماينحزر
ممكن بلحظة يجيك بكل هدوء
وممكن بلحظات يتحول نمر
وانه محتار ويروحي بهالزمان
ساعه اشد روحي مثل شد الحديد
وساعه الين الروح حد ماتنعصر
وساعه احس روحي على هدومي غريب
وخلص صبري ومابعد بيه صبر ..
الشاعر ايهاب المالكي
ومن مشيت كلت بلكت تلتفتلي حضريت اعتاب جاهل بابا كلشي ما جبتلي....
الشاعر امجد الدراجي
وانــــــه صفنــــت طفل زعلان أعـــــله أمه
أيريد حرشه أمتاني بــــــــــــــــــــــــــــــس
جلمة تـــــــعـــــــــال
الشاعر رفعت الصافي
مثل الجاهل اركض لون عطرك فات
حسرة بكلبي ضلت رد.. اريد اكبر
الشاعر رفعت الصافي
ما عايش عمر عن يا عمر محسود
انة مخلص عمر ما عابر بنصة
اخذ هيج بشر ما نكل جدمة وكام
اديه هدت الحجلة وكضت العصة
الشاعر نهاد الخيكاني
چنه ازغار
انفك الباب بهيد بهيد نطلع غفله
ونعاين من الزاغور
وچنه ازغار ونعلب دعبل
خسرانين انخاف نبطل ؟ نطلب چور
چنه ازغار ونعلب طوبه بلچن عود نطلع كول
تالي تصير اللعبه ويانه
امكاضض وبكيف الباطل!
مره وردت ارجع متاخر
شافتني امي شحتنني امي الذاك الصوب
وشمرت صوبي احجاره وصاحت
بالك بالك خاف تلوحك
رديتلها مناشغ حيل
تعذرتلها وكالت خو ما زيدت اجروحك
الشاعر جبار صدام
توضيف الساعه
احلى توضيف لكل المفردات
👇🏻👇🏻👇🏻👇🏻