 |
| احلى توضيف للجكارة |
احلى توضيف للجكارة
احلى شعرك على الجكارة
عذر شلت الجكاره او ورثتهه بنار
امن اذكرك بالسوالف يطلع الدخان
رائد ابو فتيان
عفتني ويه الجكارة ثنينا مورثين
محد طفى الاخر وانطفيت انته.
ايهاب المالكي
خلسة حبك مثل تدخين المراهق
عين سكرانه بچگارة وعين تحرس
ياهو ذاك الي أجانة؟
جليل صبيح.
من ذكرتك جان ليل وصوت دخان الجكاير ينسمع
جليل قاسم
شربت اول جگارة وريّحت روحي
وشربت الثانية وارتاحن جروحي
شربت الثالثة .. شوماطلع دخّان
أثاريها الجكارة تشرب بروحي
:
منقول عن محمد الضرير
كظيت اليل كله اتسله بثنين
مره (بالجكاره) ومره بالكاس ..
سعدون قاسم
ازغار جنه وحته ما ندري الخبز ياهو اليجيبه !!!
صافي مثل الماي املنه
بطرگ لعبات الشوارع لا جكاره ولا سياسه ولا حبيبه...
كاظم الكاطع
طفت بيدي الجكاره
وخلص الكاس
وكتبت اول شطر من القصيده
ذبيت القلم واعلنت الافلاس
لان ما حصلت كل الاريده
صالح السعيدي
ليش ماجيت وشفتني '
اكسر الخاطر ادور
عالصبح بيبانة مسدودة لكيت ..
ليش ماجيت وشفتني
بس قميص مطرك ويشرب
جكاير كاعدبعتبة البيت ..
حمزة الحلفي
وين سومر ما شفتهة ابأي حضارة
بس شفتهة بلقب مرسوم بجكارة
علة باكيت الجكاير سومر انرسمت شعار
الله شاهد نفعت الشياب بيام الحصار
للشاعر حسن العبادي
الجكارة وصورتك بيناتهن
دخان
علي حسن علوان
والنار حركتني ومشت
بجفاك ضليت انسحگ
مثل الجكارة الطافية
مهند العزاوي
مطلوب لل ليل ابكثر ما شايفه امشكك..
واشفايفي #ابكيف_الجكاير_تزرك..
احمد عاشور
تنخيت النفس ماقصر وياي
رسم وجهك بدخان الجگاير
(بارق العاشقي )
انه وياك وصفنتي واخر اليل
انتحاسب ع السهر والهم والذنوب
مثل اخر جكاره بأخر اليل
نفس نفسين وروحي بيدك اذوب
فالح حسون الدراجي
من تغيب ...
الليل يبلعني بجسارة
ومن تجيني ...
الدنيا احطهة ابين اصابيعي جكارة
اني مت اشرب جكاره
بلكي انسه بلكي اهيد
طلع دخان الجكاير رسم وجهم
من جديدد
صوره بلدخان كلي شلون املها
بوك منها الدنيه مو بس للكبار
الجكاره تبوك اليدخنونهه
احمد عاشور
جيت ملهوف ارد اسافر ""
سدو بوجهي المحطه ...
وشككو كل التذاكر ""
كالو ابقه باجر ...
اليوم خلصه باي طريقه ""
لهي نفسك بالجكاير ""
وخلصت اوراق الجكاير ...
وانه باقي اليوم نفسه ""
وماكو باجر ؟؟؟؟
عبد الحسين الحلفي
دخان الجكاير زنجر بصدري
وعشت عمري بفرد ريه
الكاطع
روحي الوكت والهم ورّثاها
ولا صح اليواسي والرثاها
انه روحي جكارة ورثاها
فاهي من الكطف حط نار بيه
سيد بشير الغالبي:
دخنت بس مو نفس ذاك الدخان
اشهگ ومدري منين يطلع عطرك
عصام كريم
احلى توضيف لكل المفردات
👇🏻👇🏻👇🏻👇🏻