 |
| عصام كريم كل ما كبرتي (غزل) |
عصام كريم كل ماكبرني (غزل)
كل ما كبرتي وياج تكبر قصتي
يمشي الوكت واني ورجع بذاكرتي
كل ما اتسلم شمس ويصير اغروب
اذكر اول يوم من سلمتي
وجهج بذاك العوز و ينكط خير
والعفه تمشي وياج لمن فتي
كتيلي عمو وعمري ما جان هواي
بس انتي الزغيرونه كلش جنتي
وشمعه ع شمعه انطفي ونتي اتنورين
مثل النخل تعلين كل ما عشتي
يا كهرمانه وخلص عمرج تسكين
وينترس جودج ماي كل ما درتي
مو بلعمر بعيوني كمتي اتكبرين
رغم التعب واحله من الاول صرتي
خليت يم عيونج ام سبع عيون
وحجبتج بليل وكمر بينتي
يحزام ضهري وكل هلي وصاحبتي
ودكتورتي البس هيه تعرف علتي
يل ماخذه من امي الوفه وذاك الطيب
وكت الدلال وياي احسج بتي
ماضاحك بعمري صدك بس وياج
ودموعي محد شافهن بس انتي
بس انتي وستثنيت كل النسوان
من حلگ السباع وعرفتج حصتي
زلمه وفركت خشوم كل الرادوج
بس يمج ستسلمت من سلمتي