 |
| يحيى العلاق مملكة حزني . الضحية الاربعين |
يحيى العلاق مملكة حزني . الضحية الاربعين
يحيى العلاق مملكة حزني
ابمملكة الحزن وحدي
بالهم انتهي وابدي
انه الامر الناهي
البلاط اتفصل ابجلدي
عرش روتيني يجدد
طليته ابملل مايصدي
اسمع ايها الحاجب
اعيوني اگبالك اتندي
اريد الحزن يتنصب
وزير ابمملكة خدي
اذن خلي الالم يدخل.
عليمن گاعد ابوحدي
يمنع اي جرح ينزف
اذا مو دمه من عندي
اكرم حضرة الكابوس
اعدم كل حلم وردي
طلعلي الفرح بره
مني اشجاي يستجدي
ما ضلة ولا ضحكه ...
الضحك يوصلني ويعدي
احب الحزن
بس هوا الوحيد الما وگف ضدي.
ياما حذروني اوعنه كالو ذيب
لكن جذبتهم كلت دساسه
دللته دلال انهر للناعور
يغرف للصبح وجروفي حراسه
أكص جف الشته وبضلوعي ادفي حيل
وسويهن حطب لوحس برد جاسه
اذب هدمي وادثره ورتجف بسكوت
اغش الروح اكلهه ادفه بنفاسه
ذبح كلبي ذبح ودم نزل نزف بروح
وضحك مااكله وجرح احساسه
حط حلكه اعله نحري اوشلع وذره اوياه
وبحرورت اصواب اتوقعت باسه *
احلامي بسيطه اوموحلم بطران
يفتح بطن سمجه اويلكه بي ماسه
احلم بالامان وليل مابي خوف
وحلم بزمان المن صدك ناسه
اذن خلي الالم يدخل.
عليمن گاعد ابوحدي
يمنع اي جرح ينزف
اذا مو دمه من عندي
اكرم حضرة الكابوس
اعدم كل حلم وردي
طلعلي الفرح بره
مني اشجاي يستجدي
ما ضلة ولا ضحكه ...
الضحك يوصلني ويعدي
احب الحزن
بس هوا الوحيد الما وگف ضدي.
ياما حذروني اوعنه كالو ذيب
لكن جذبتهم كلت دساسه
دللته دلال انهر للناعور
يغرف للصبح وجروفي حراسه
أكص جف الشته وبضلوعي ادفي حيل
وسويهن حطب لوحس برد جاسه
اذب هدمي وادثره ورتجف بسكوت
اغش الروح اكلهه ادفه بنفاسه
ذبح كلبي ذبح ودم نزل نزف بروح
وضحك مااكله وجرح احساسه
حط حلكه اعله نحري اوشلع وذره اوياه
وبحرورت اصواب اتوقعت باسه *
احلامي بسيطه اوموحلم بطران
يفتح بطن سمجه اويلكه بي ماسه
احلم بالامان وليل مابي خوف
وحلم بزمان المن صدك ناسه
يحيى العلاق الي الضحيه الاربعين
هلا بــ العاشك الواكع بالكمين
جنت متوقع اتجيبينه وتجين
كاعده اكبالي ابهواء تتغزلين
ما اضوج اولا اغني معذبين
اليهفياعلئ الجمر_يتلكه_نار
واليدوس اعلئ الوحل يتلكه طين
ادري كتيله هذاك يحبني جان
اي هذاك الواكف اول عاليمين
وادري كتيله ولا حبيته يوم
جان كلش قاسي مو مثلك حنين
كاعد ايباوع علينه اشكد ثكيل
عوفه لتركز عليه ما عايزين
هسه وكته اشجابه حضي ابهالمكان
صدك مو وكتي الوكت للباطلين
ايدي_مالامسهيحلم_يه_جان
وداعتك حاول وابد منطيته عين!!
#الايد_مالمسه_خايب_ضلت_ايد
اني واصل ب.........ما ادري وين ؟
بــ+18 نستفتح اليل
وصور مو يندى لها ...ايطيح الجبين
هاي البصفك قرت نفس المقام
باذني هم. غنت موشحه الحزين
اني احبك والله اعبدك بيك اموت
شو لكيتج عاشكه وتتلمضين؟
هوه هم كتيله اعبدك؟سالمين!
يابه بسج هيه مالت مشركين!
يا اخي ارتاحيتلك ما ادري ليش
وحيل حبيتك رغم ما ملتقين
لا تصدكهه اذا هلت ادموع
ولا تثق بيهه اذا حلفت يمين
مزاجيه بكيفهه ا تحب وتخون
صار بضفرهه صبغ ووياه طحين
هاي اذا حبت فد واحد رفيع
امنلفجر تدني نفسهه اعلى السمين
تعشك الهادئ السمح والمايثور
وتشتهي الفض. والصعب والما يلين
ابد ما تقنع ولا يرضيها حال.
خل اكمل. .كافي. ..اشش لتدردمين
.والله صلفه المثلي ما يكدر عليج
.فرقي عنج استحي. ..وما تستحين
.يا ترئ اشسويتلج موت الخذاج
جنت الج ستر وغطه.. بنت الذين
وعتذرلك يا اخي التشبهني حيل
رجعتني المهزله ذيج السنين
تعتقد نفسك الاول بالغرام؟
وحدك وفوكاك رب العالمين !
انته واحد وربعين اعرف سراك
واليحاجيك الضحيه الاربعين.