 |
| الشاعر علي مطشر قصيدة الاب |
الشاعر علي مطشر قصيدة الاب
نسينا وداعتك
نسينا وداعتك بس ما نسيناك
حته الدمع باكانه ومشه وياك
غطينا النواضر والدمع سال
من ضهر الجفوف وغصب ماشاك
جنت تتغطه جوه كلوبنه شبيك
شجه هسه ورضيت تراب غطاك
الدمع زتك ومارد يبست العين
تفطر شوفنا وفشلتنا ننعاك
يشم جمر الدلال المنك يتيه
عليك الموت اجه مغمض اندلاك
يبو عكال اليعدل ميلة الناس
بولدكمالت من انطيت مكفاك
الجفوف تلجمك انت جروحك هواي
الرموش جفوف صارن بيها شلناك
الجنازه نشدها مو بحبال لن عيب
الجناز بعكل ديرتنا شداك
يكشاخ المنايا ودوست النار
عكالك يلف دنيا الجفن لفاك
بوكتها الموت اجه ياخذله ميتين
اكتفه بيك بعدد ميتين عداك
اذا قالب التربه من الشرع ضاع
كصة والدي تكلك اخذ هاك
الجرح يعشك جلد بي ملح الايام
الجروح تعوف راعيها تعناك
يطيب والحصارشكد اكل بيك
وجبير بعيني كوه الثوب كفاك
يشمعه وضيفت ريح التمر بيك
تعرف ضيفك ردي بس تغفه باكاك
وكلته ضوه ماغزر وياه
عجب مالح ضواك شلون طفاك
بغترتك شارة الساده اليخوفون
المروه دنك من نجيب طرواك
يبوي الليل طول غترتك وين
ذبها اعلى الظلام الصبح جيبه
ميت بس غترتك لافه الراس
نعرف يستحي ينشاف شيبه
من شيبة لحيتك يستحي الكون
اعرفه الموت مو طاهر حليبه