مصطفى سند شسويتلك
شسويتلك
شسويتلك من رحت وعيونك شبيها
يابو الاجروح الولا ينجاب طاريها
شسويتلك يالولا طخيت اليه الراس
ماترضة اصالح چنت چي ماكو يمك ناس
وتدريني من الهلا المتغيرة اضل سهران
شغيرني وچفوف ادي ماعافت البيبان
مافكرت من نمت مشلوع گلب انسان
للغرفة محد يطب من كثرة الدخان
كارهني ليش احچي
ولا تگطع انت الحچي لو بين اديك ابچي
متعود اوگع ..... مطر مامرة ابد لاحك
تخلف وياي وترد تلتقي بذباحك
مغيرينك من الحچي ؟ من الملگه ؟ من الشوگ ؟
سويت كلشي الك
من شعرك يهب زعل وچفوفي تفزع طوگ
طب الغرفتي ولك متشوف شغلة الي
لو صورة الك لو حرف من اسمك الأولي
لو حابك مثلك
واني اعلمودك اجي زاير اباب اهلك
وكل مره اجي بفشلتي والتعب ماكلني
من ضيجتي البالخلگ محد يصاحبني
چا ليش متحبني
وتحچيلي كلشي صعب
ومسدود كلشي الك
ولو انسأل ماگلت غير المدللني
غير الولا بالحلم فكر يزعلني
وانه بعذابك اون
ولو فات شامت افز واتبين يغني
مشكور ماقصرت طفيتها شموعي
هم يوم الك تنترك وتشوف موضوعي
بس ما امرحب ترد
مايطلع گليبي الك مشدود بضلوعي
واندار بيك الوكت
مطروح شفتك غطه بس ولا واحد يمر يتفگدك ليلة
جواك ميت گبل
و اغطاك هذا الوكت محد نوه يشيله
تذكر لمن صيحت ثوبك امّزگ فشل
بس گتلك التنمزگ و البان بيها تعب هاي الصدگ شيلة
مصطفى سند شاعر شاب من اهل الحسينيه
لم يضهر للاعلام قط شاعر متمكن مذهل ولو مستقبل كبير