 |
| الشاعر يحيى العلاق بين الحب والكبرياء مكتوبه كتابه |
الشاعر يحيى العلاق بين الحب والكبرياء مكتوبه كتابه
بين الحب والكبرياء مكتوبه كتابه
بين الحب والكبرياء
اتاخرتو علي ..طولتو يمه
قلقتوني شنو الشغله المهمه
مومشكله احجولي اشكال ماكال
اشم بثيابكم ريحة مذمه
صرت ماضي ونساني ومااهمه
انتهى كلشي ويريد ابريه الذمه
آنه اتخوني ذاكرتي مرات
رحمه الولديكم هوه شسمه
حسباله يجيني الخبر وانهار
سبع اسنين اظل عايش الصدمه
امشي اعلى البحر اكضيهه صفنات
احب ضي الكمر وتحبني نجمه
واشخبط عالرمل وابنيله ثمثال
وظل ابجي وتجي الروجه وتهدمه
ويملون اهلي امنل اطباء
يتجهون بيه اعلى الائمه
خطيه هواي يحلم رايح ابعيد
فرق مابين حلمي وبين حلمه
حلم مره احلمت جني امشي وياه
ابحلم زرت الحلم كصيت جدمه
ناصبله مشانق حتى بالبال
بس يخطف علي طاريه اعدمه
آنه وثم آنه وكان من كان
اصبعين اعلى روحي مااقدمه
كلكم عافني ويرجعلي هيهات
جا شمتاني ميسويله همه
انا البايك ضواه خليه سنه يغيب
وترس ريتي هواه ماحاجه اشمه
السواه سوه غيره هواي عشاك
ينتظرون ااشرلهم لعلمه
بس هو صدك ماكال مشتاك
.لايشتاك موفد هيه قسمه
اعيوني دمعت لا .. لاحهه اتراب..
ماباجي عسه ابهلحظه تعمه..
خابرته شوكت؟ بالغلط دكيت.
.مرتين وطلع خارج الخدمه..
من يمهم فتت ؟ اي يعني وشصار.
حضرته المنطقه امسجلهه بسمه
كعدت ابابهم ؟ كلوله غلطان.
وكع مني دمع دكنت المه..
ولو طالع مسلم مااحاجيه
بس ابكلبي اكول الله يسلمه
تتوقعون اروح اتصالح وياه.
ابشرفكم تالي عمري اكسرلي كلمه
اشايف روحه اتنازل وراضيه
اذا راضيته اكلكم وين اعزمه
آنه الخوش زلمه ومااطخ راس
لكن بالعشك موخوش زلمه