 |
سعد اشميل ياصديج كلهن طايحات |
سعد اشميل ياصديج
سعد اشميل عن الصديق
يا رفيج الما يصح مثلك رفيج ،
يا ملذ اسوالفك محبوبه ،
يلي عكس الناس اشوفك من تضيج ،
يلصديجك ما تطلع اعيوبه ،
الناس كلها حبوبتخلص وانت بير،
ما خلص طيبك يبعد اضلوعي ،
ما مزعلني وانهمزعلك چثير ،
يطيح كلشي وما اطيح ادموعي ،
دومك اتلم الزعل لمالحصير ،
انت خلكي واهسي وموضوعي ،
هوه لو جفك اوصل للخميج ،ابقه
جثه ع الجرف مصلوبه ،
والله نعمه وهيج حاضيلي ابصديج،
اذراعي ما هملها اذا مصيوبه ،
الدنيا سبحه وتنكطع ما بيها امان ،
الخرزه الاوله من ترد بتالي ،
وانت شاهود وترد نفس المجان ،
غالي ماغير مجانه الغالي ،
دومك اصيد المعفيات السمان ،
وتطي صيدك بالدر مثالي ،
سعد اشميل كلهن طايحات
كلهن طايحات
كلهن طايحات وعاذرك تالي
اتمد چفك وترسه وتفرغ سلالي
وامدلك چفي مثل الطالب الغلطان
ويرد محومر وخالي
ولك گبل حالك مثل حالي
وگبل من انتلاگه الشمس بينه تحير
ما تعرف خيالك عكسته اخيالي
وصواني مترسه يصيحني ما اندار
اعشگت صينية الحب فارغه شمالي
شجاك شغيرك تالي
وجنه اطراف مغناطيس محد بينه ليعارض
انه ادنه الك وانته تدنالي
شجاك شغيرك تالي
ولك طيبين كلش انه وامثالي
ولك بعراسنه وعيونة تلالي
امنيتي اعرف افترت بيه حوبتمن
انا ما فار واحد غير محچالي
وگلت ياهو ليمدلك جفه من اطيح
گتلك ما احتاج لوحدي احلالي
اگومن گومت النافورة وكت الغيض
محد مدلي جفة وگام تجالي
ولك لا تعبت زندك ولا غافي على شمالك
عصفور بوكت نومي رگبتي تميل لشمالي
انا لما عنده اهل بالدفنه يتكفلون
اسير ولو متت يدفني كتالي
بعد لا تحسب الزلة
عليمن تحسب الزلة
واذا سألوك لتگلهم زلف حملة
حملي يميل بس يرجع غلگ دلة
انطيتك كل غطاي وكل حطب بالگاع
واحنه ايام ع الچلة
واذا سألوك وين القبل دليهم
صدك مالك عرف بالله
بس ذابحني ع القبله
المهم طاحلك ومعذور بالتالي
تسلم ما تسلم ما يضل بالي
انه المتهم لبغرفة التمييز
من تعبر وما تعرفني هنيالي
واذا تزعل وما ودوا على مراضاك
هنانة تقيس نفسك غالي مو غالي
كل القصائد الحسينية للشاعر سعد شميل هناااا
كل القصائد الوجدانيه للشاعر سعد شميل هنااا
كل القصائد الوطنيه للشاعر سعد شميل هناااا
كل القصائد الرثاء للشاعر سعد شميل هناااا