 |
| عصام كريم الله يعينك ( ام البنين |
عصام كريم الله يعينك
قصيدة ام البنين
الله يعينك يوليدي
مذبوح شفت أوليدك
ميته اني من يوم أسمعت
مكطوع خنصر بيدك
كلولي سلبو خاتمك
تحزن كلت ماريدك
وديتلك اربع زلم
صاروا محابس بيدك
الله يعينك جم ولد
سحكته الخيل اكبالك
يمه اني كلبي ينمرد
لو شخص داس اخيالك
ذريتي ناذرهة علي
ومسولف الطف كله الي
من عدها خلفنالك
وعلى الماي وصيت الكمر
نصين اريد عله نهر
كلمن يصير اكبالك
ولو وساطه ادزلك هلي
العطشانة اكلهم بت علي
واولهم ابدي بخالك
عباس ما دامك عدل
مااريد بالخيمة طفل
عطشان من اطفالك
ساعه واهتزت كربله
ولجيش بين خوفه
واليصفن بوجه الكمر
مصبوغ دم يشوفه
عفيه ابني كلت أعلى النهر
عباس ذب جفوفه
عفيه ابني المكطع وصل
مو دم نزف غيره و خجل
بالماي يرجع ما قبل
يستحي من اخته تشوفه