 |
| سجاد صباح باخر كلمة |
سجاد صباح باخر كلمة
باخر كلمة
چنت اتلوم وانه ادعي
وبديت تگلي عيبك هذا
التسميه گبل طبعي
باخر كلمة
زحمة برجفتي اتعير
يخايب وانته تدريني
امن احس راح اخسر
اتوتر
عشت مسجون
بين اللزمة واللمسة
وحرية چفوفي بالك تخدعك
تره مايربط جفوفة
الشنق نفسه
انه في شجرة اذا تگعد بصفة ايدوم
وانته بغفلة اتيهنك
افياي غيوم
يالمحد وصل روحك
كهف مرسوم
غاويتك الهوسة الوگفت بدربك
يماتدري
مطر للونسة چانت وادم تشربك
الرزق
ونسة ليالي وواحد يحبك
كسرات الگلوب انواع
واصعبها
يخرب واهسك من سالفة تحبها
تگلي ابتعد
عن اي سالفة تذكرك
شسوي ابهاي؟؟؟
مو تدري الاغاني الحفظناها اهواي
وشلون اعبر صوابك؟
هلاهل
بالفرح والحزن چنت اوياي
من تكثر خسايرها العيون اتوب
ياهو الگلك بكيفي
انفرض حبك علي كوة
نسب معيوب
تخيل حاضنك وابچي
الخسارة اهواي
من تلمح الغالب حاظن المغلوب
چنت انه استر عيوبك
ضحك مصيوب
چنت تضوي واضويلك
وانته اتعودت التزيد تظلمهه
وانه اهلي متعودين
الشمعة الزايدة نضمهه
اذا بس الحزن سهلة
واعوفة ايطول
انخبط بيه الحزن والغيض
اهل مكتول
يالمحد فهم عذزك
تعب مشلول
اعز دمعة
التطيح وبيهه تتباها
واعز صورة
هذيچ التحچي وياها
رغم ما انته جارحني
امن افتش جرحي
اگلهم لا طلع غيرة
غشيم وگتلك ابقى اوياي
چادر فاتحة
وكل يوم الك ديرة
نفس شوگي
التغير بيه بس يومي
واذا قمصاني راح وعبر موسمهه
اعتزازي بعطرك
امعلقني بهدومي
وجوه الناس
تطردني
اي وانه بعيونك نوم
تاخذ بس اليكفيك
وتهدني
ولان متعود مشابگ وامشي اوياك
طحت من مالگيت الكسرة البردني
حتى احساسي متعرفه
ويحيرك چان
انه باخر ايامي اوياك مو بارد
چنت تعبان
بس انته الاحباط اليسبق السكته
وانه بقصتك مخوف الناس
عالشفته
العاش بتجربة ضيعت منه اسنين
يبدي ايخاف عالماعاش تجربته
حسبت لروحتي لو قررتهه اتضر
بس تالي شفتهه اوياك
روحه واهس ومو كلش اتخسر
من يتجمع الماضي
الاحلام تقل
عرفتك من بقيت اغلط ومتحاسب
بديت تمل
اذا مو انته اشاقيمن؟
اضم اسمك چنت
مثل الحچي بنومي
تسمعه الناس بس ماتدري احاچيمن
باخر كلمة
چنه ثنين تعبانين
وذنب قصتنه محد شايله لوحده
ابدايتهه ونهايتهه احنه غلطانين
سجاد صباح خنگتني بثگلها
خنگتني بثگلها
خنگتني بثگلها الدنيا
من دارت
النهاية الچنه نحچيها
بضحك عشاگ
شو صارت؟
احتقر لونك
ولون المالهم نية
طبع فضة اتبدل
عالشذر والناس
وانه طبع الكبر
مابدل البية
تناقض بية مامفهوم!
اذم اليبتعد
وابتعد من الجاي
اعلة حتى العابر المامختلط بية
اغار اهواي
واتأذة
مو الغروب
حزني العلي مثل الطيف
ماادري شوكت يبده
انتظرت هواي
عالشباچ عمري
اكثر امن البردة
وابقى اوياي
من گتلك
چنت خايف
واعرف ناسنه ايخوفون
واعرف بيك ويه الغير تتغير
عباية بمگبرة وماتبقى نفس اللون
وانه موذاك اليحبوه
حگك من ترخصني
حلم مابيه اوجوه اعزاز
باول كومة تكرهني
رسالة انه
بهدية عيد ميلادك
شما تقراني تشمرني
وتعودت ماعاتب
مو بس بيه لاغلطان
الحزن مثل الخبر
من صاحب لصاحب
رغم انه چبير اهلي
عشت يمك طفل
تكتلني بحچاية
ماردتك تشوف
الضيم البوجهي
تمنيتك گفة مرايا
صورك صاير اسمعهن
ولاتستغرب الحالة
الگبر مايحچي
ويسمعة التعنالة
بكثر ما احچي ويه روحي
اشتكت مني زوايا البيت
ياخصم الحچي البيناتنه شسويت؟
ابريني الذمة
امس
غنيتك شوية
رحت انته وعشت وحدي
هذوله الناس
عاشوا يمي
موبية
ابضرف مرسال احط عذري
واگلك هاك
ويردلي مشگگ وخالي
واگله بمستحة شوداك
عرك ويه الغروب العايشة ابلياك
يكلتني اليصيح شدة مو اكثر
اعترفلك هوه هوه انته
الفرق مرسالك اتغير
العندي انته
بغربتك ياهو يقبالي
انه جنطة سفر للناس
حتى البية مو مالي
ولا تسأل على احاولي
اسبگوني الاجو من تالي
جفن مهضومة
بس ماضي اسود وكحلة
ولا بيضة اتعنالي
واذكر من تلاگينه
ووصل بينه البعد شبرين
انه تخايلتك بشارة
وشفتني انته خبر موزين
غير البيهن اتعير
شنو اشسويت؟
طلعتك هيبتي اوياها
مثل بيعة غراض البيت
كل القصائد الوجدانيه للشاعر سجاد صباح هناااااا
ل القصائد الحسينيه للشاعر سجاد صباح هنااااااا
كل القصائد الرثاء للشاعر سجاد صباح هناااااااا