 |
سجاد صباح ادم وحوه |
سجاد صباح ادم وحوه
آدم وحوة
انة ادم الماغافي اعلة فيّ الناس
انة الماخذ امرية بلاية طبل اعراس
نزلنة اثنينة بلاوطن مطرودين
وتنگط مشاعرنة
وصلنة لگاع مامتغطية بيهه الناس
وبلاراي لمتنة
حبينة بوكت مابية قصص عشاگ
وبلون العشگ نشأت حظارتنة
جانت ورگة هدمي
وحوتي اشماغي
گتلهه برهاوة صوت
مامولود حتى الموت
ليش اعيونج تناغي؟
گالت قصّتي اعيونك
گالت خايفة من بطني تطلع ناس
ماضنهم يشبهونك
باچر ولدك ايضيعون
بعدة الدرب مامدود فوگ الگاع
وتباوعهم ايعثرون
باچر ولدك لكل مختفي ايصلون
تمشينة اعلة الاستفهام
وغرائزنة الثگيلة ابراسنة التمن
المحيرني ماعفنة بگفانة اعزاز
بس حنينة مدري المن؟
عرفنة العين غلطانة
مرات الگلب حنيتة مو للناس
مرات الگلب حنيتة لمچانة
وصلنة لمنطقة وقررنة بيهه انبات
خدرنة اثنينة بلاخوف
وباوعنة السنابل يمنة خدرانات
چنة اكبار
چانت حوة وحدة وماتعرف اتغار
مثلنة وطن وبيوت
واجة يمنة النسيم ومثل الخطار
تذكرنة النعيم الراح
گبل مايمتحنه الله ويحطنة بخانه الوكاح
باوعنة الهوه البالگاع بيه حسره
وكفرنة بكل هوه ابفي شجره التفاح
لبسنة اهدوم الاقطاعي
لگينة الشجر يملك كل زوايا الگاع
بس ياشجرة حوك بگاعها اتداعي
ورغم نفس الاصل والطين
بس اطباع حوة تخالف اطباعي
چان الماي عندي امتاع بالصحرة
وچان الماي عدهه امراية للفقرة
مشينة بگاعنة وقررنة نتكاثر
تعاشرنة بوكت بگماطة المعاشر
ولگفنة من السما طفلين
سمينا طفل هابيل
والثاني ابأسم قابيل
شفت هابيل ضهري ويمنتي وجيشي
وشفت قابيل ذكرني بوكت طيشي
ولد هابيل چانت بالضوة اتچلب
او ولد قابيل حتى بشوگهه تجذب
المهم چنت الاعرفة اولادي مختلفين
جزء بيهم ضلالة وجزء بيهم زين
المحيرني مو ولدي
المحيرني هاي الناس اجتي امنين؟