رضا العبادي من استر ع افعالك
من استر ع افعالك
من استر ع افعالك حاسبك بزري
ام سكران ابنهه تخاف ابو يدري
بس منا وجاي الناهبه امن تفوت
اگولن ناهبه وذمت الجره بنحري
انسجنه ثنينه وبغرفه التعثيب
نزعو جلد مني وگلت ماادري
ونت بصطره وحده وگبل لايحجون
الالي ولمو الي حطيتهن حدري
النخل چتف بچتف حايط يصير وياك
الزرع ضل يستر وبنيادم يعري
خزرتني وطيحتهه تمد اديك تريد
مثل كفت اردانك بعد كف شري
الشرف مثل الجذر لو طلع راسه يموت
وطلع راسك ونه تلگيتهه بصدر
كملنه الحوي وموسم حصاد وخير
وكتلك راح انام امتاعنه بجالك
الوحدنه بخله البايك زرعنه منين
سلالي مفرهده ومترسه اسلالك
ولك بس يرتبك تطلع اعل البواگ
ورثت الجكاره من الگفه شمالك
بعد جيتك احساب الشعر فوك الزاد
ماكمل لگمتي من اگعد اكبالك
جيب الخيل كلهه ونوگف انه وياك
وصيح يافرس غير اعل خيالك
ابن امك لو نخيره يجي وياي يجوز
من تالي الحصن تركض اعل امثالك