 |
| رضا العبادي قصيده الاب كتابه مكتوبه |
رضا العبادي قصيده الاب
امنيتي اغلط وجي
ومثل ابهات الخلك تكعد تحاسبني
وعرف بروحي مهم من امي تغلط علي
مالج غرض ببني
شيرجعه ذاك الوكت
تصيح علي جي وكح
وشبگ فراشي برعب وتغطه من خوفي
وگلبك يردك علي
جوه المخده الصبح عايفلي مصروفي
بويه الگبر من خذك دبرت العيشه صدك بس عازتك عازه
الشايل حملنه عمر ينشال بجنازه
تذكر بيوم الردت اطلع وياك وگلت
البس هدومك عدل بالباب راح انتظر ثاريك تصرفني
جيب ليسكت البچي من البس هدومي ركض ولگاك عايفني
تقبل تحبلك بشر مالازم چفوفه
تقبل يعوفك لحد ماتوصل المرحله توكف گبال المري
وتموت من البچي وگلبك يگلك جذب مانگدر نعوفه
من كورت بالنجف ولله ماناوي اجي
اتفقن جدامي علي وثنينهن صيحن خل ناخذه يشوفه
كلولك الماعدهم ابو متمردين ومالهم رداد
ونت بفشلتك رديت
جذابين لهسه انضم شجكايرنه احترام
الصورتك بالبيت
عفتنه اربع اولاد مدللين وام
وماگلك العوز اشسوه بس مجبور حطلي خيط وبره وجايب اعبه ويا
وگال اتنحه اذا يلضم
ومن عدهه وعرفت الاعمه مايلضم
ماتترس مكانك زلم بالديوان ولامگعدك ينسد من نحط الزاد
عرسنه وكبرنه والايام اركاض وطفال الگبل بشارع يلعبون
زلم صارت وعدهه اولاد