 |
| عصام كريم صباح العيد |
عصام كريم صباح العيد
شنو ذنبي بصباح العيد
اصبح دمعتي بخدي
وشنو أضحك چذب ويا الناس
بس اشبع بچي الوحدي
وشنو وياك أخذت النوم
واليل انگلب ضدي
شنو عايفني چن مسموم
گوه الثانيه تعدي
شنو ذنبي ..شجنيت وياك
وليش ادفع ثمن فرگاك
وانت أكبر ذنب عندي
وحگ الما هداني أنساك
وشريك ويالنفس خلاك
يالتحب روحك أتحداك
أذا حبيتها بكدي
شدعيت الله عليه
شهداء العيد
مهنه السياسي ابرد القصور
موت الحرك للدمهم يفور
بلنار شفناهم يلمعون
وسمران بس بوجوهم نور
لمسواكهم رد بلتوابيت
قبل الوجع حسو بلقصور
عدهم جهال متانية هدوم
بلعيد لبسو لبس عاشور
ما دنكو رجعو ابلا روس
من بيوتهم شردو للكبور
يومية عبوة بمنطقة تثور
و مدري الشعب شمتاني ويثور
وصلت مره اطب النه بحزام
وجم زلمه ما نزله منشور
يا ليتنا كنا ويلحسين
كله الحسين يكول مشكور
ولضام راسه وكاتله الخوف
من حسين ما يستحي من يزور