 |
| الشاعر ثامر سعد شهداء العراق |
الشاعر ثامر سعد شهداء العراق
الشاعر ثامر سعد شهداء العراق من القوات المسلحة
والحشد الشعبي العراقي في معركة داعش
الخوذه التوكع من الحرب كبه تصير
وتظل نيشان جامع رافعه لهامه
لطاحو على اساتر ستر للبيبان
لمفرعه وسترهه الحشد وازلامه
ضيعنه زلم نشفو ريج الموت
مشو ولزلمه بينه لكاض احزامه
المفارك اخو بنكابه حيله يصير
ما يفزعة ب اخ لكسرت اعظامه
الجفن وجه ابيض وضيع كشخته بموت
الحبل مرجوحه خرب صيته بعدامه
حاربني لكبل من ظلي طوله يخاف
واخاف من الهوه لو مر على اسهامه
امعلم من اغص ما اشرب من البير
البير يريد ناس ادنك الهامه
عراقي وهيبتي من عيوني وضحت حيل
الحرامي بخزره اطيح حيله ولثامه
لبايك مني ليل بصبح ما أراضي
يرد ويجيب ليلي لباكه بحلامه
الكمر غاب وظلم وجه الصبح على كاع
الشهر لمن مشو ظلمة كفه ايامه
وفكدناكم وبلعت ريجنه بيا حال
نشلت وليدلي نشلت اجدامه
وبجيناكم لحد ما ضاع بينه اليل
محرم تاه يمنه ودلته إعلامه
ونطرناكم خلك عميان تانت طيف
اوكفنه بواهس الشباج للجامه
وصبرنه أعلى الحزن صبر الشجر ع فوس
وضيعنه الفرح شامه بحضن شامه ؟