 |
الشاعر ثامر سعد رثاء الشاعر جبار رشيد |
الشاعر ثامر سعد رثاء الشاعر جبار رشيد
ما باجي كد حزني بعدني
زعلان دم ماكو اعلى ردني
يل تايهات شويه عني
ما باقي من اليوجعني
من الموت بالتسعين والكاع
ما طاح هلكد دمع بوداع
ما طال مده عمر السباع
فرصة مدارس خلص بساع
الحلوات ما يوكع كحلهن
دمعاتهن بس اعلى خلهن
كد الطم كطعن حجلهن
من خدودهن دم بكذلهن
ركضت الناس اعلى دكاكين
من رجع كلبك ينبض وزين
حضرت حنه ونذر عيدين
كلبه اعلى ناسه المات مرتين
كون اليموت يموت بالكيف
ومن تحن يتلكاك بالطيف
حرورة صوابك عبرت الصيف
عظام احنه وفراكك شته وسيف
موت بحلم موت النحبهم
سافرو ما ميتين جنهم
هذا الكحل وشح صورهم
ما ماتو اسم الله بعدهم