 |
الشاعر كرار سعيد بعده كلبي يريد جيته |
الشاعر كرار سعيد بعده كلبي يريد جيته
الشاعر كرار سعيد
بعده كلبي يريد جيته
ونسه شسوت بينه شمسه
شكد نصحته
وحجيي تحذير اعلى باكيت الجكاير
يشوفه بس يسوي عكسه
يكول كل اجروحي منه
ويدعي من الله يجيله
متناقض مثل ذاك الشنق روحه
وضل يرافس راد بس واحد يشيله
الراحه جنها اغنيه كل غروب تطفه
ويبدي شوكي
وبدي اغير امجاني ودعي من الله اغفه
بلكي هذ الشوك مثل الرزق
يتغير اذا غيرت كرفه
سير ساعه مصفطات جروح كلبي
اكتاب للتاريخ روحي ،منين متكلبني ماضي
وعزتي وي الشوك يتلاكن حبر ودمع بيه
واني ورقه ومايضل سالم بياضي
اني لو بيدي اجيبه وما اودعه
لاكن ادري
هدوم طلبه حتى لو لايكلي هم لازم ارجعه
انه مدري شلون صدكته يحبني
يمه احس علبة هدايه
شما فرح لو شاف شكلي ياخذ البيه ويذبني