 |
| الشاعر حيدر حطاب كل تقاطع يكعد من النوم |
الشاعر حيدر حطاب كل تقاطع يكعد من النوم
باجر كل تقاطع يكعد من النوم
ويطالب بحق الشمس البضهره ..
باجر كلشي مايوكف بوجه العوز
والدم مو عزيز يصير بالفقره ..
جعنا ومشتهين اعضامكم بزاد
تره ملينا من فضالت السفره ..
مدام الشباب تريد حل للشيب
ماتوكف بوجه العافيه الشعره ..
نطلبكم وطن بليل مابي ليل
وطن جان شحلاته ومحد يسهره ..
وطن جانت عيونه من احلام كبار
بس لمن عرفكم ماعرف قدره ..
نسكت كافي واصل للمرايه الموت
واحدنا بتجاعيده طلع كبره ..
الما تعبان بينا من القلق تعبان
يركض والوضع ما ينعبر صحره ..
كافي بصوت ام ماعدها غير ايتام
عايفهم شهيد وماخذت عبره ..
كافي بصوت اب كاسر اسنينه الميل
ما يلحك يطب البيتهم عطره ..
كلمن عنده راي وضايع المفتاح
وماندري السجن يخلص بيا جمره ..
ماندري وخريف الحكم مامكيول
محد يحجي كلما تخلص الفتره ..
كلهم طاحوا بعين الوطن والناس
بقت بس المناير مالهن ذكره
حوار صريح هنااا
كل القصائد الحسينيه للشاعر حيدر حطاب هناااا
كل القصائد الوطنيه للشاعر حيدر حطاب هناااا
كل القصائد الرثاء للشاعر حيدر حطاب هناااا
كل القصائد الغزل للشاعر حيدر حطاب هناااا
كل القصائد الوجدانيه للشاعر حيدر حطاب هناااا