الشاعر فاضل كريم, كل ساعه, شنهو اليسوه,

الشاعر فاضل كريم, كل ساعه,

(الى التي اكملت نصف دينها بقتلي)

كل ساعه انذبح من عرست لليوم

كل ساعه انسحك بجدام تذكارك

عكب ما كفرتني بديني المن جاي

تقرالي وترتل سورة اعذارك

وكع وكت البرد ودفه بيك الغير

ومالحك بعد وستانس بنارك

يلمثل النخل شامخ شجاك شبيك

خليت الغريب ايلوذ بكتارك

مرات النخل بس ينصعد ينباك

وانته بيوم عرسك كلي شخبارك

صدك تمرك خلص لمن اجاك الليل

صدك سعفك خدر وطيت جمارك

دليته على روحك ما تعب وياك

ما دور عليك وداخ فجارك

وحجيلي بعد هالغيبه كلي اشصار

وحجيلك اسراري وبيهه نتشارك

لان تدري كبل كل انه اصير اضماد

اذا شريان صوتك ينزف اسرارك

صغت روحي جرف حدما حضنتك ماي

وبقه الاخر نفس بالروح تيارك

يا اعذب نهر تعله على جرفك ليش

تره الناعور غشك لمن اختارك

واعرفك فكرت ضنك تلوح الغيم

دشوف الوين وصلت روجة افكارك

ذنبك امنت من شالك الناعور

رد اردود بيك وعالجرف دارك

مادامك اجيت وتنشد على الحال

بعيونك تعال وشوف اثارك

كل ساعة انذبح من عرست لليوم

وكل ساعه انسحك بجدام تذكارك

الشاعر فاضل كريم شنهو اليسوه

شنهو اليسوه حتى ليشغلك التفكير
تعال ابحظني نام وسولف اهمومك
اسويلك الدنيه صنطه حتى انته اتنام
وسكت دكات كلبي خاف تقلقك بنومك

وصدكني اذا همومك انجوم اصيرلك
صبح ومسحن انجمومك
ترف وابيض حلو كاسر اعيون الناس

تتباهه بجمالك والله مالومك

بطر بالسبعه الصبح عند الناس
وانه الصبح عندي من تنزع اهدومك