جيدر حطاب رثاء جبار رشيد

صحوه شعر ياهو الكال صحوه موت

طلع يكتب قصيده ورجع للتابوت

صدمه وخلت من الطير بس الريش

يونس بالسمه وخايف يبلعه الحوت ..

خبر موتك بعيد ودوهن الصياد

ومو بس الفريسه العمر منه يفوت ..

رجع بجتافه نجمه الماخذك جناز

النجم من ينثلم يبقى الضوه منحوت ..

فرصه اطيتهم يقرون بيك دروس

صح ماجنت اب لكن جنت حانوت ..

شفت ربعك قصايد علـ كبر يبجون

الحزن مثل الكلايد والشعر ياقوت ..

نكدر علـ وجه بس الكلوب شلون

ما تندار من يعوفك الزاتوت ..

لكيت بصاحبتها من الزراك اللوان

البلم بالماي بس ماينجرح بسكوت ..

امك عدها سبعه وعاجر وبلياك

ومن تنعالك من الطيف يطلع صوت ..

نتلفت رغم ما الك نيه تعود

السجج ماتدري ياساعه القطار يفوت ..

حيره شجره يطلع من رحمها الفاس

محتارين والمو صاحبك مبخوت ..

ماعندك خوات شلون والنسوان

كلهن طلعن وكلهن بنات بيوت ..

الحلوه بخذني يمك ماتخسرك شوك

من تسمعها جنك ماخذ الها بتوت ..

كالوا صرت زين وكلت مامجبور

لان مرتين محد يحمل التابوت

(adsbygoogle = window.adsbygoogle || []).push({});