حيدر حطاب, اخر ليله والشمعه

حيدر حطاب

حيدر حطاب, اخر ليله والشمعه

اخر ليله والشمعه البقت بالخيم

زينب والهوه ما يرضه يتندم ..

عباس انته ربك خالقك من غيم

لا تقنعني ما يشتاكلك زمزم ..

من تأخرت عذرك وصلها جفوف

و بساعتها حارت بيش تتالم ..

عاذرتك كبل لا تدري بيك تروح

كبل لا علـ نهر يلكونك محزم ..

كبل لا علـ رمح يتعلك التاريخ

ماضاع الشمل بس رادتك تلتم ..

اذا علـ خيم سهله الحرك بشريان

الغصن من يحترك بالجنح يطلع دم ..

الستر مو بالحجي وماخلته ينكال

بعبايتها الستر كل عمره يتحزم ..

الكاتلها رمح عاشرت يا عباس

شبديها براس اخوك الرمح يتشيم ..

بلايه الضلمة مايبقى الشمع عريس

بوكتها البي كمر بالليل مايحلم ..

جفوفك عوفهن عندك ضمير جناح

مدام المواقف بيك تتيمم ..

الطالع من ضهر خيبر يشوف الماي

باب .. وعلـ نهر لو راح مايسلم ..

صواني الرمح بيها الحنه جانت روس

و جامع كلب زينب لكن مهدم ..

على يانعش تبجي وكلهم اهل البيت

المامعصوم بيهم للجرح مرهم ..

المايكدر صلاته بكل حرب نيشان

صلاه البير خلت يوسف معضم ..

اخر ليله والشمعه البقت بالخيم

ماتطفه ويضل بس الهوه ملثم ..