 |
| سمير صبيح ما سلم بعد |
سمير صبيح ما سلم بعد
سمير صبيح
ما سلم بعد ذاك المشابك راح
طعنات الضهر للامس تشبكني
منهم بلخرجمد ايده ذب الماي
ومنهمع الاثر ليتيه يلحكني
ومنهم والزمن ما كمت انام اليل
اخفن من ادي لو انام تخنكني
على صخره اتدحرج ما يخضر عود
اعرفها وزرعته وعاندت وصبر
لان عود الزرعته اطاني كلمه يعيش
شلونك من ازرعك رد علي اثمر
وعاندت الكمر يطلع ومد بشوك
وزدت لهفه ومحنه وما عرفت اجزر
خذت ذبت النهر من يزعل ويه الريح
يذب لومه ع روحه وبلجرف يطبر
وشوفه الروج عالي والعواصف موت
كلبي وما يهم ويجازف ويبحر
عمر خلصته عايش خشبت الكصاب
عليها كبال عيني بفرحتي يوذر
وما اكلب بعد جبت العمر محماس
الدله التنمدح والكمكم يخدر
وبعد فوك الرمل مادك وتد ونساه
والخيمه وحبلها ويلهون اجر جر
وشبع طيحته من يوكع الفخار
المسند ينكسر والمستند يكسر