 |
| سمير صبيح, كافي انتظرته عمر,امس زرت السوالف |
سمير صبيح, كافي انتظرته عمر,امس زرت السوالف
سمير صبيح كافي انتظرته عمر
كافي انتظرته عمر هيج انت بالساهل
گتلهم ابقى انتظر
مو طعمه بس يختلف المنتظره يستاهل
هذا البنص البحر و المي يطب مركبه
تظل روحه بالساحل
وزع ادواره الزمن
اختاريت دور انكتل مادبر الكاتل
شيبت ما عيدت
يفصل بقميصي الزمن ولهسه ما كامل
وميهمني اذا ما كمل
مادام صارن سوه اتشائمت متفائل
ادري الرمل مو ثقه يضل محتفض بلاثر
حسباله متماهل
( اختاريت ضلمه وهوه وعبر انه وناكتي)
اليلحكني مو عاقل
المثلي حسيها وكعد .. تهاهت بعد ونخبط
حابلها بلنابل
العطش يبقه عطش يردوني اكولن نهر
لو اموت ما اجامل
................................................
سمير صبيح,امس زرت السوالف
امس زرت السوالف والمواعيد
بعدهن ع الجسر كلشي بمكانه
خطواتك لهفتك رجفت الايد
خوفك لا عيون اطب سمانه
ونار اشواكنه الما تقبل تهيد
وبير دموعنه وصحرت لقانه
انت كبالي بس اعتبرك ابعيد
اكيد ويه البعد يكبر هوانه
وچفوفي ورك غطه المواعيد
ولهينه ارواحنه ودارت رحانه
وصيني قبل لا اروح شتريد
كتله اليل لا يخنك ضوانه
شوصيها السنابل ع حواصيد
لو اوصي الجزح يلجم دوانه
لو اوصي العطش بلصيف ليزيد
وصيه وغيرها وخلنه بعمانه
بس عينك عليك وكلشي ما ريد
يمك انت الي مخليك امانه
كل قصائد الشاعر سمير صبيح الوجدانيه هنااااااا
كل قصائد الشاعر سمير صبيح الوطنيه هناااااااا
كل قصائد الشاعر سمير صبيح الوجدانيه هنااااااا
كل قصائد الشاعر سمير صبيح الوطنيه هناااااااا
كل قصائد الشاعر سمير صبيح هجاء هنااااااا