رائد الفريجي, ماعندي واهس, سألوني عنك,
الشاعر رائد الفريجي ماعندي واهس
ماعندي واهس خل افض صفنتي
واندل قراري يفوت من ياعذر،
حتى من اغمض عنك وتنطفي
لاخاطري ولاكلبي احس ينكسر
محتاج بس الليله اشيب وارد
واختصر كلشي وياك كبل الفجر
واتشوفني بعينك اشكد حاولت
الشيب اكدره وكلبي ماينكدر؟؟
بعاطفتي اسافر يم برودك وارد
جايب دمعتي وعايف اشگد صبر!!
جبت الدرب حسبات لمن خلص
وصلت وياك ومدري ليش انتضر
حتى السلام وياك ناوي جرح؟
واتناسه يمك والگه روحي اعتذر؟
واشتاگلك . وامشي اعله ليلك حلم
بس انت طبعك شمس . ماتنسهر
وتدري اني احبك ،،حتى لو باعدت!
بس هم انسان احب استقر
بردت السجه وللدرب سافرت؟
رادت عليك من الوكت تختصر
بس طبعك من اتغيب مابي هلاا
تبدي الرساله وتنختم بالصبر!!
عايفتي هم ياريت عندك محب!!!!
خاين ،،، واكولن ماكو داعي انقهر
واني اسمع شيوكع حجي بدمعتك؟؟
شيضم سوالف كلبك وتنستر ؟
بعيونك مبين شجان الحلم،
مابي وجع لينام من العصر
حبيت اكلك دورت صفنتي
واتاكدت مابيك دكه صدر
اي هو مو بالخوف ،، قسمه العشگ
الاسهرله حض النايمين الضهر؟؟
للنجمه باليل شكثر سافرت
بس الشمس توصلها قبلي بشبر!!
راضي بقسمتي وسلمت للجرح
مادامه منك بي معزه الهجر
...................................
رائد الفريجي,سألوني عنك,
سألوني عنك
والدمع هد روحه گبل العفته
وعرفوني خالي من الحجي
من وجهي عنهم درته
وهمزين موضوع العتب
بدموعي اتلاحكته ،،
غير اني طايحلي بولف ماعرف اسولف قصته
ولا طبعي اعتب عن بشر مامفتهم سالفته
ياناس عايفني بشر دللني ودللته
فاركني مدري بيا عذر لاخاني ولا خنته!!
يالما مجافيني بذنب
سالوك عني بغيبتي كلي الجواب الكلته
ومقبوله منك سمعتي
لو سولفتها ب نكته
مو تدري مايسوه الحجي من ما تكوله بوكته
ثاري انت ماعندك علم
مر صيف كامل والردن مالحكت نشفته
شمدريني باطباع السمه
وي الماي عشرت مصلحه
وباول شته وعايفته
صرخه الريل بمشيته
يواسي الكلوب الفاركت
يكتل اوداع السكته
ويكتلني اليكول الضرف
مكتوب عثره بكصته
اليريد من حلك السبع
ياخذها لازم حصته
خلتني بعازه نفس
لمن يمينك شلته
شمدريني كل هذا الهوه
الماينكطع جان انت؟؟