 |
| حيدر حطاب، الرساله، اريد انشاف، |
حيدر حطاب، الرساله، اريد انشاف،
حيدر حطاب، الرساله،
انته وديت الرساله
وتعبت روحك وجبتلها ضرف ..
زين ليش
يضيع تعبك وانته ماكاتب حرف ..
هي شتخسرك
رساله وتنكتب من غير دمعه
حتى مو مثل ...الوصيه...
وبيها تختار الجتف
تدري بيه النورس
اليقرالك المكتوب فوك الماي
موعد وانه ماحاضي بـ جرف
بلون كلبك
جانت امنيتي الرساله
لان من غير الجفن بس هو هذا
اول بياض يصحلي منك بي عرف.
كلشي جان اسود بروحك
عاد لو كاتبلي شامه جا كلت عندي ولف
وانه مستغرب لان ماجنه نزعل
حتى من نزعل كصيبه ومايحس بينه الزلف
الرايه كلما تختنك تنشاف صوره
لا توصيني عليها صورتك
بعيوني رايه وتدري بيه شلون ارف
لا توصيني لان مو مثل طبعك
خنجرك تربات ضهري
ومااضنة يعوفني بلايه نزف
جبت عمري مدنك وماجان
ناقصني اعترفلك
وانته خط ايدك الهسه
بنفسي باقي وبعدك
الهسه صلف
خاف حسبالك الذله تصير عثره
.. الذله للعاشك وتر
مالاكي اصابع وانه لهلاهك
جبت عمري عزف
انطيني وجهك حتى اذا
هم تنطي بيه
السجن تتكحل عيونه
بجيت اليغلط ومابي يعترف
طحت من عينك لان تارس
عيونك
هو هيج الورد من ينترس
ماي يشوف روحه
وهو من دونه ولا يبقى ترف
دورت بسنيني
والكاس الجنت كلما اذكرك يوكف
العمري محطه
مالكيت بروحي اسافر
لان نسيانك وطن والغربه مابيها كلف
الشاعر حيدر حطاب، اريد انشاف،
اريد انشاف شدني بضهر عينك شوف
اريد اقنع صدك انسان بيه الدم
كافي انضم
كتب وبخانه كلها تراب تتألم
حرامات اندفن مابيه واهس موت
بيه هواي من واحد صدك يفهم
ادورلي جنح ما شاف لون الغيم
حتى بواهس من يطير يتشيم
احاول من كلب ولسان اريد اوصل
الذاك الصوب اريد براحتي اتحلم
اريد اصحه الصبح والگه بفراشي وجوه
جنت اتمنه يمهَا اكعد واتعلم
اريد اوصل واسمّع الناس
يحب روحه الورد مرات من ينشم
تره العايش وطب سرداب
تكتله الخنكه ما يشتم
كالوا عل شعر ؟ مابي بخت مكروه
هو انتم عقل ما عدكم ويفهم
واحدكم سطر ما قاري بالقران
واحدكم سطر ما قاري بالقران
شلون يفك كتب للشعر لو يهتم
اريد احلم
اريد الكه السمه من فوك من يالون
كافي ابقى بمكاني وكاعد اتألم
حوار صريح هنااا
كل القصائد الوجدانيه للشاعر حيدر حطاب هناااا
كل القصائد الحسينيه للشاعر حيدر حطاب هناااا
كل القصائد الوطنيه للشاعر حيدر حطاب هناااا
كل القصائد الرثاء للشاعر حيدر حطاب هناااا
كل القصائد الغزل للشاعر حيدر حطاب هناااا