 |
| روائع كاظم اسماعيل كاطع |
كاظم اسماعيل كاطع زعلان بس
زعلان بس يازعل لمن ترد للصدك
كبل المنادى أجي وأشلون جية أجي
أركض ركض محترك ياللذتك إبمهجتي
وين الكة مثلك هوى لولاك والله أختنك
هيه شراكة نفس لو سكت كلبك
سكت كلبي ويـدك لــو يـدك
ولوما وكتنة صعب ماجان أبد نفترك
كِلمن مشة الحالتة واحد سكن
بالغرب واحد سكن بالشرِك
وكل هالمسافه البعد
تنسمع جن إحنة حلك إبحلك
بعدك صدك حاولت
نمت أوية غيرك سنة
وفزيت جني بحلم شابك أجروحي شبك
والكيت مرسى وجرف عند العيون الزرك
والكيت في وعطر عند الشعرهة فرك
بس مالكيت الوفة والله عشكـنه عشك
يامن إمكدر علي غيرك فصاله صعب
جم دوب أخيط و أشك حنيت أنه إلشوفتك
واصبرت بس ما صبر كلبي وصرخ راح أطك
جاباني إلك وإذعنت جيتك
بليلة شتا ظلمة ومطرها رشك
وشبعده صار الدرب
خوف و رعيـــد وثلـــــــج
وجفوف إديــة زرك إبابك
طحت ها كمت
ضميت إديـــة إو ردت
عالباب بالروح أدك
بس كالو إلمن تدك كلمن مشى إلحالتة
واحد سكن بالغرب واحد سكن بالشـــــرك
كاظم اسماعيل كاطع ما مرتاح
مامرتاح
عيوني تستحي بس
الدموع إوكاح
منٌك.. منٌي من الجاي من الراح
مــــا مرتاح
عركه ويه الزمن ورجعنه مكسورين
وبعيده المسافه وينـّـسي اللـّي طاح
ما مررتــــــــــــــــــــــــــاح
لأن شفت الشمس نزلت تبوس الكًاع
وبكف النذل تنلاح
ولأن قاضي البلابل مدّد التوقيف
ومفتوحه السِما
والفيل عنده جناح
ما مرتــــــــــــاح
لأن قفل المحبه إنباك
وِترهـّــم عليه مفتاح
ما مرتــاح
متروك بجزيره وتيــّـــهت بالليل
وإجو ربعي عليّه بقافلة أشباح
وإنته إشبيك
لمّن دافعت عن نفسي صابك غيض
مو حتى الكنافذ من تحس بالخوف
تستخدم جلدها سلاح
ولا جنّ الفجر مثل الفجر محبوب
لون الفجر صاير يقبض الأرواح
رجّعت الستارة بحركّة عالشباج
ورثيت الورد-وبجيت
من شفت الندى فوك المدافع طــاح
دايخ بالحلم يمكن خبر موزين
مات الزرع كلة ومابجة الفلاح
وبالليل المناجل تنغسل بالماي
ودم يابس عليهة
وبالغسل ما راح
فزّيت الصبح..
شفت الحلم مذبوح
وبعيني نسة سجينتة الذباح
ما مرتــــــــــــــاح
من وكفو على الصوبين
تمساح إبنهرهم صاحو من الخوف
وجازفت بحياتي من سمعت إصياح
صارعت المنيّه وبيده هزني الموت
ومدمــّــى إطلعت
صفـّــكو للتمســــــــاح
قل شوف السفينة
والضباب يزيد
وسيوف الملامة بجلوة الملاح
ياسن الصخر..وتكسرت بالروج
من جنت بزمانك ترهب السفان
من جوة الثلج..
وجفوف إيديك رماح
ما مرتـــــــــــــــاح
ما مرتاح من ربعي ولا مرتاح
نادونـي.. وركضت إبليــل
إيد الرسن بيها وإيد بيها سلاح
عثرت مهرتي ... وهم قبل ما طيــح
واحد كـــــال للثاني
أبشـــــرك طـــــــــــــــــــــــــــــــاح
كاظم اسماعيل كاطع سفرة مجانين
جربت مرة وبعدها زنجر بكلبي القفل
يوم حب بارد جمعنة وعرفت مانشتعل
ردت اجيب الروح كوة البيتك المسكون
لكن مارضت دكت رجل
كالت الشرفة كمين وخوفي من عدهة يطل
كلشي بيها مو حقيقي حتى هذا الكمر لعبة
من خلص دورة وطلعنة نزلو اهلة بحبل
والنوارس مو طبيعية النوارس
كل مهمتها تفرح الناس وتبجي الجرف من تنكتل
ابيتك المسكون مجلوبة النوارس
على الناس جناحها يرامي نبل
والتماثيل اتحرك وعلى طعنات السيوف الحجر يضحك
وعلى الما يسوى تطيح الروس جملة والشوارب تنفتل
والطيور ملثمة ابّاب الحدايق بينهن ثارات ودموم وفصل
آه يا الكلك تناقض
خدك وكلبك عجايب
صورة مو طبق الاصل
خدك بلون الوفر ليلة ضباب
وكلبك بلون الكحل
وجان همك تستغلني
وغصن المكابر بروحي ترشة ذل
وصرت باعيادك مغني
وصرت باعراسك طبل
وكاس واحد
مرة من صحتك شربتة اسنين خلاني ثمل
وشرد اكل للعيروني
واستحي وهسة آنة شايب
مهرتي حجلة طفل
والف هنيالك علية الفصل الاول
جان تعذيبة سهل
هسه آنا وياك والبر
سفرة مجانين حرة وانتهى دور العقل
اثنينة بهاي الجزيرة لاشهود ولا قيود ولامثل
نمشي ومغمضين نمشي
بالرمل غرّز جدمنة ردنة نطلع ما كدرنة
وآه من يلتف على الساك الرمل
يوم مر.. ويوم ثاني
ومايسمعك هالرمل لو كلت حل
يوم ثالث.. يوم رابع
والعطش والجوع اخذنة
والدمع ما ينشرب والرمل ما ينوكل
يوم خامس يوم سادس
وما نلحك على السابع يمكن وبي نحتفل
وبعد شيفيد اعتذارك ؟
ينقبل ما ينقبل
بالسمة الغربان باعتنه وشرتنة
وقسمتنة نصير جم وجبة اكل
كاظم اسماعيل كاطع امس وانا بحالة
امس وانا بحالة النوم وبصفنة حزن بالليل متعذب .
. ندهني صوت شاعرنا
وعرفته صوت ابو الطيب
سألني عن جديد الشعر
هل ايام والناس بغيابه
شكامت شتكتب .
. شتكتب والجديد البيه فرح كذاب
والكلك جديد يفرحك يكذب
امي من الزغر تنقل حطب للنار
ويفور جدرها ومدري شتركب
مصباح الحزن صبتلي بالماعون
ومن ضكت الاحز ن شفت
الحزن طيب
تسأل عل السمار الغلف الوجنات
دمك يحترك لو قلبك يعطب ؟
هاي هدومنه مالات عشر سنين
مو سمران بس هنه علينه
الوانهن تقلب
مبعد يا قطار الفرح وين تريد
بلكي بدوستك وياهم نجلب
دنيا
وغيرت من البشر اطباع وقلب
الضيف مايقراه المعزب
لو مية سنه بعد الثلث ايام
محد يسألك طلبتك يا هل
ضيف إلا نمدها لها وبلسانه
نطلب
