 |
| الشاعر اخضير هادي على افراك |
الشاعر اخضير هادي على افراك
على افراك الحبايب كالشي مافاد
دمع لو حزن لو هالثوب اشكه
وكطع تذكرة وارجع البغداد
وجوازي بذني اديه بنار احركه
انه الكل عراقي روحي تشتاك
للشارع اذا شفته اشبكه
الغربة تكتل والسفر
ويصادفك بالغربة الالف البشر
منهم تعبره مثل ما تعبر نهر
ومنهم حشه السامع نذل
ويستاهل ترجمه بحجر
ومنهم يشوفك لحظه ويعوفك شهر
هاي الصور موجوده والباقي امر
وباقي الصور بالتحميض ومغوشة الصور
منهم تشوفه بزاويه ويضرب ابر
ومنهم صعد فوك السطح ويشم فنر
الغربة ذلة وزينة للعنده ظهر
مو للذي ينامون بفياي الشجر
الغربة هدة كل قواي وتذكرت صوتج وراي
يا حبيبي يمته ترجع باقي انه بنتظارك
يا حبيبي يمته ترجع بضحكه وبدمعه انتشارك
هذا صوتج حرك بروحي مشاعر
هذا صوتج ما جنت بي اني شاعر
جمعت روحي بحقيبة لازم ارجع للحبيبه
لازم ارجع للحبيبه واعتذر
اني بيني وبينها عشرت عمر
الطريق شطوله صار يمته اوصل للمطار
بغداد يم الوفه بغداد يا عيني
فركاج يا منيتي والله يأذيني