 |
| الشاعر محسن الموسوي ماعندة حبيبة, عفتهن بيض, |
الشاعر محسن الموسوي ماعندة حبيبة, عفتهن بيض,
ماعندة حبيبة
ماعندة حبيبة الشهرة كاتلته
وقضيتة اكبر عدد توصل مشاهدته
يريد يصير شاعر بلة هاي شلون
ومامرة القصيدة بليل خانكته
يعرف بس وزن بس مايجيس گلوب
ولو بيدي وعلي جا انة علمته
مو كوة الشعر من الله كلها تكول
بس فهموا ترة مو هايه موهبته
شكد كاتب قصايد روحوا سألوا الناس
هم من منجزة فد بيت حافظته ؟
مايندلها حقه التايه بصحراء
ما تترك اثر من تمشي قافلته
واريد وياك اسولف بلكي اغير بيك
وغير الحب الك بگليبي ماشلته
خليلك قضية ومبدأ يحجّيك
مو غاية المنصة وافهم الكلته
ابيتك واكتب وثق توصل الابيات
المهم بيهن صدك بس اكتب بسكته
مو يومية تركض عالمنصه ارتاح
والانترنيت منك والله مللته
رخص طاري الشعر بس مايهمك هاذ
يهمك اسمك وبس كون وصلته
مبدع بالمشاكل هيج من ذكروك
المهم ذكروك واسمك بالوسط شفته
ومن جذبك امس حتى الكمر زعلان
لان بعيون مامشتاك سهرتة
وفشل من شوگ اهلنا وجانو يهمسون
بالحب وانت شو بصياح سولفتة
خليني احب مادام بية احساس
اليسمعلك يروح يعوف صاحبته
عفتهن بيض
عفتهن بيض احسن من الجروح
وراك اوراقي تارسهن فراغات
درت وجهي عليك و وجهك اندار
واندارت علية اوجوه شمات
يمر طاريك واسكت ، وانت زعلان
بسبب ماينحسب ظمن الخلافات
علي دورت حجه ورايد تروح ؟
غير الحجة كون وياهة اثبات
وانه اثبات عندي بكلشي وياك
بوكفتي ابابكم ضليت ساعات
بالوحدة العشتها بقمة الناس
من مادورت بعدك علاقات
من ظليت اودع عزة الروح
والمكابر الما اخرني لحضات
من ظليت اوديلك مراسيل
مابيهن عتب وتحس ثكيلات
من تهملهن واهملك دموع
واطش بدروبك الحلوة ابتسامات
هية الدنية تسوة وتخلص فراك ؟
يالحنيّن شلون بزعلك تبات ؟
جنك روحي بس وياي موزين
طيب ذات بس وياي بذات
كل القصائد الوجدانيه للشاعر محسن الموسوي هنااااااا
كل القصائد الغزل للشاعر محسن الموسوي هنااااااا
كل القصائد الوطنيه للشاعر محسن الموسوي هنااااااا
كل القصائد الرثاء للشاعر محسن الموسوي هنااااااا
كل القصائد الحسينيه للشاعر محسن الموسوي هنااااااا