 |
| عصام كريم ترس اكلوبنه |
عصام كريم ترس اكلوبنه
ترس اكلوبنه حب وسوالف شوك
ترس اگلوبنه حب وسوالف شوگ
لا اني الحچيت ولا حچيت انت
اجي محمل غزل حطه على صخره تذوب
و أرد آكل بروحي شلون ما گلته
الشاعر بالحچي يختلف عن الناس
و انه شاعر ويمك حچيي تيهته
ثگيله بحلگه من يتشاهد المعدوم
بس المنتچي يونس بسالفته
هسه اني تهت من شفتك انت شبيك
بسرعه انخطف لونك و الوجه درته
لتغض النظر بالملگه بيهه اشكال
حچه بينه النظر بس انت جتفته
مرات العيون اتعادل الف السان
حتى المات من عينه تعرف قصته
الميت من تشوف عيونه مفتوحات
هذا يريد يحجي وكلمه خانگته
لتوكف عشگ والدنيا تركض بيك
اخاف الشوگ يطلع من يمر وكته
حط حسن البوجهك بالمتاع ونام
تلگه من الصبح لسنين ماكلته
ضوگني الجرح بس جرح اليحبون
انا سامع سمع بالجرح ما ضگته
حسسني الاحبك مو سمع بالشوف
مرات الأحبك تنحچي بسكته
شوفني السهر محتاج اعد انجوم
ليل الفات گبلك من عصر نمته
مر بيه ابحلم خليني اسولف بيك
و أگل للناس حلمي بحلم حققته