سئلوني شني اخبار وكلت بخير
بنعمه وطلع من الشده صاحبكم
وكفتولي صدك بس وكفة الديان
تفرق عن وكفتي الجانت ابسدكم
وياكم لنهر من امشي ارد عطشان
وتجون وياي لصحره وبللكم
مونورس رضيت امشي على ميكم ليش
وتهملوني بمحنتي وجنت اهملكم
انه ريشة نسر بالحرب حصتي الراس
وترستوني حبر فاهي الرسايلكم
حسبالي يتبخر گبل بس الماي
بس غيرت رأي بهذا موقفكم
سبحان الله كلها تبخرت بالضيج
ومن بابي ختفن بصمات اصابعكم
يوميه يموت اليحب كل الناس
لذالك ماحسبت حساب اشيعكم
من ايسئلك غريب يكلك شمحتاج
هاي التوجعك وتبريد السانك
فانوس بكهف كلش عزيز تصير
اذا خيرك طفح وتعدا بيبانك
وتنباع برخص بوبك لمن تعتاز
لنها مخسفه من اجفوف صحبانك
بمراقدهم تصير بخور ويعيبوك
يكلولك طلع سكران دخانك
يختل حدر اخوه الميل من يخاف
بس شلون من ماتلكه خوانك
الشاعر سعد شميل الملح والمستحه
الملح والمستحه والطيب ماينفع
مثل الخضرمه عيونك ولاتدمع
اثر حيه برمل شدريك رايح راد
اشوفنك حبل عالكاع من تطبع
من كتلي النجم طايح ابطن البير
مديت الدلو حسبالي هم يطلع
الكهف يصبح سجن من يجمد الشلال
ومفاتيحه الشمس والغيم ضل يجمع
امنيتي اعرف قبلتك وين يالميزان
جبت الدهر كله بكل كتر تركع
تشمت باليطيح تعير المعتاز
تنكر فضل غيرك بالوصل تكطع
نسر بيريه عمرك ماصفكت جناح
نهش راسك غراب بيا وجه تفزع
شايل طبع زيبك ماتلم اثنين
تشضه ويروحك ماتحب تجمع
ومو كل جسر شفته يعبر المتعوب
بس جيب اليصدك بالحجي ويقنع
جسر قوس القزع بس مايعبر الطير
اذا بسمه جناحه تنكع ويخلع
مو كل مره اردلك انه جلمه شيخ
بس اعبر حدود الشفه ما ارجع
كل القصائد الحسينية للشاعر سعد شميل هناااا
كل القصائد الوجدانيه للشاعر سعد شميل هنااا
كل القصائد الوطنيه للشاعر سعد شميل هناااا
كل القصائد الرثاء للشاعر سعد شميل هناااا
القاء مع رائد ابو فتيان في هيل وليل هناااا
القاء مع مهند العزاوي شهكة عشك : هنااااا
القاء مع الشاعر رفعت الصافي كعده من العمر هناااا