 |
| فاضل حسن بالإنجيل الك مقتل |
فاضل حسن بالإنجيل الك مقتل
على جانب نهر تقتل
حسين انت الوحيد البيه
الحقائق و الكتب تكمل
يا ناس البشر كلهه
عليك الرب يسائلهه
سفر و بدمعة التكوين
شرح للقصة بأكملهه
بأي دين و ذنب مذبوح
سلب ثوبك عليك جروح
ضمير انت فداك الروح
فداك الروح ...
يا أروع صورة للإسلام
و افجع لوحة بالآلام
عليك تهاجر الأيام
تمر أحلام ...
يمر إسمك على حزني
و اله ما توسع جفوني
الدمع ما يرضى يسعفني
حزين و ناري بعيوني
كتاب احزانك المنزل
كون بدمعة يترتل
يا خاتم كل جروح الدين
رسالة و دمك المنزل
بالإنجيل الك مقتل
على جانب نهر تقتل
حسين انت الوحيد البيه
الحقائق و الكتب تكمل
........................
سعادة شخصك بدمك
حسين و ما بعد إسمك
المآذن سكَّتت الاجراس
بعد ليل و غفه يمك
يسوع و صلبتك ناسك
على القاتل بچه احساسك
ردت تمسح خطاياهم
من جسمك خذو راسك
السماء بعدك ظلام اللون
الهوا عن دنيتي مسجون
أشوفك في زوايا الكون
زوايا الكون ...
مرايا بلا وجه تنشاف
عمرنه وي الحزن ينظاف
حتى من الأمان نخاف
صرنه نخاف ...
خريف أيامي و آمالي
الزمن لو بيده يبچيلي
و براءة عيسى بن مريم
حزني كربلا حسيني
جرح و بدمعه اشير اسمك
و اكتبه يوصل لحلمك
يا صانع سلام الله
أشد من القتل سلمك
سعادة شخصك بدمك
حسين و ما بعد إسمك
المآذن سكَّتت الاجراس
بعد ليل و غفه يمك
كل قصائد الشاعر قاضل حسن الحسينيه هناااااااا
كل قصائد الشاعر قاضل حسن الرثاء والوطن هنااااااا
كل قصائد الشاعر قاضل حسن الوجدانيه هنااااااا
كل قصائد الشاعر قاضل حسن للسيد الشهيد هنااااااا
الحوار صريح هنااااااااااا