الشاعر فاضل حسن شيخ المواقف

كتال جرحك بس عشت لعيون احبابك

يوميه خطوة چن ردت نتعود غيابك

محسود گلبك ما تحب العالم اعتابك

يا شيخ والهسه تجي ادموعنا ابابك

تتعب ومنشوف بعيونك عتب

صح بسيط الحال بس گلبك ذهب

كل جهاد الگاك يا شيخ المواقف

دربك وچفك نظيف

چنك المختار لا متعوف ثارك

للجرح گلبك مضيف

عارفينك عارفينك يا شهيد و يا كريم

شايفينك شايفينك عايش بوسط النعيم

ايام عمرك تنحسب يا شيخ بأفعالك

گد ما تحب حيدر چنت بالشده يبرالك

من اصحاب طف هذا الزمن يا زلمه هنيالك

بالموت شلت انت الوطن مدري الوطن شالك !

شايل الزينات بچتافك رتب

بچفك الهيهات للذله انكتب

ما يموت العاش كل عمره مجاهد

كل وكت لابد يعيش

ما يموت العاش جندي وهو قائد

ما يعرف الدنيا بيش

هذا اسمك هذا اسمك للشرف رتبة شرف

هذا دمك هذا دمك شيعي بالغيره انعرف

كل قصائد الشاعر قاضل حسن الحسينيه هناااااااا