الشاعر سعد شميل اليله طلابتي اطلابه

اليله موادعك ماشوف منه تعود

جنه موادع المعدوم لصحابه

اليله جفوفي ماتعرف تروح الوين

مثل جفوف اليدور على صوابه

وجر نفسي بطلاع الروح

وصوت النشغه سيف وتنزع كرابه

وخلك ماعندي اكوم الشيخ طايفتي

وذا مريتني اليله

اكوم بلا جدام شلون الترابه

سهله البلموادع يلزم دموعه

وسهله اليلزم اصفاحه

بس ابن امه هذا اليلزم اعصابه

اليله طلابتي اطلابه

كطعني وذر بس موكبال الناس

حط بصدري عطابه

الحايوف الهله معروفه بالديره

اشلع كلبه بس لاتشلع نكابه

اليله طلابتي طلابه

شني عذرك بدكت الباب

خاف يعور جفوفك

انه التارس كطن بابه

وحس جايب هلي من كبورهم للبيت

اذا طاريك بسدي شخص جابه

كالو مايردلك لمن ايكسرك

كلت وادمنه جذابه

اهو الشاطر يردلها اذا يكسرله

ورقه بداخل اكتابه

كل القصائد الحسينية للشاعر سعد شميل هناااا

القاء مع رائد ابو فتيان في هيل وليل هناااا

القاء مع مهند العزاوي شهكة عشك : هنااااا

القاء مع الشاعر رفعت الصافي كعده من العمر هناااا