 |
| الشاعر علي مهدي المحنه + الاماكن |
الشاعر علي مهدي المحنه + الاماكن
المحنّة / وجداني
يا عطر شال وشابك زلوف
تلاحگ" ارداني صارت جروف
لنته الغريب و نگدر نعوف
وجهك على العميان مألوف
ترضاها يا گلب العصافير
من صورتك حصتي البسامير !
فزاعه يمكن وسط العيون
توه النعاس يفوت و ايطير
وشحجيلك اعله الخنكه بيه
امن الصبح تبدي المغربيه
ومنطي بثواب الريح ريه ؟!
والخاصره تغفه اعله اديه
الحنيه كلما تعله اطخ راس
مهيوب ، بس من وحدي انداس
حنيتلك من ناموا الناس !!
اكثر امن الدم بيه الاحساس
مو انته و اتوسل بگایاك
يدري الله بالصاير بلياك
خاب اعله شوفة وجهك انخاك ؟
جا وين المسولفهن وياك !!!
ويخنكني شوكي المارضه يفض
وكلما انگال اسمك اغمض !!
ارد انسه بس الـ ليش تعرض؟!
و ها حشه جدامك صوج دربي
المشكله عيونك هنه هنه
جا وين وديت المحنه !!
وبسك تكول اليوجعنه ؟
ماظل وجع ما جاس گلبي
بگد برد وجهك بية حركة
بكل المنافي ارسومي تلگة
اغلط بثوبي و جرحي اشگه
وعلي
ليهسه فگدك ما مصدگة
وناطر رسايل من وداعي
وبس انه الاتعنه اعله ساعي ؟؟؟
يا گلبي اخذ بينه اعله ناعي
ويه اعزاز كلبي مالي داعي
مو عود اكو ناس بصفي و تودني
ليش الواگفتلي امن ابجي بس ردني ؟
ليمته عيوني بين جدامي اضمضمهن
الجان يشيل عني جروح كومهن
امنيتي ما ابين من يزعلوني
وعكس الناس البكلبي عله عيوني
لو خالقلي بس جرأه ويفض تعبي !
المن حاطلي لساني وكل هذا الحجي بكلبي ؟
السهر يمشي بمساماتي ويتراكض ضوه عيوني
دعلموني
شصلي وتسجد جفوني
واقلام الضنون تشخبط اعله الحيل
الفجر جذبه ، الضوه ضحكة عزيز بليل
ويا عمري احترگ تنشاف
ولتهوه الگلب مثل العود من ینکسر ماینراف
خمخمهن زوايا الليل شوف شچم حنين انعاف
والبعيني عله رداني
ومن يحترگ شاعر یطفه باوراقه .. وطفیت اني
غشمة ميل نفس الدرب بس اندار
ودخان القطار بحرگة الركاب ، كل دخان يتبع نار
البشر بالليل وانه امن الصبح محتار
حنين معلعله روحي
واخاف اكضي العمر وحدي
يزعلوني وارد اندار
الصده ماراجع بكدي
الشاعر علي مهدي الأماكن :
تدري توجع جفني بيبان السهر
وانه طين وانته ما تدري الجرف عتبة نهر
ضم علي شمس ، بس شوفني سنك
ما ابدل ضحكي يمه ، بلجمه منك
البارحه شغنيت ؟ صوتك بأذني ساكن
أشتاگلي انته و ماردت شوگ الاماکن
شوگي سد دنيتي بوجهي
شوگي مو باب و ادفعه
امنيتي من انسأل عنك راسي ارفعه
و هاي حسراتي الغميجه ، گیش اصلها
بس شسوي ؟
عازلين لروحي حزن الناس كلها
وانته و عيونك عليه
من احن شلون بيه
وانه وجه وكفه بروحي النرجسيه
كابرت وابجي اعله هدمك
انته مثل الطيف اغمض يله ارسمك
اسم الله من كل طاري ما يتغنه باسمك
أنته تغفه ، وانه احير شلون انوّم الذكريات
ماكلتلي الكلب يبدي يعيش كون الشوك مات
الصنطه هم ساعي بريد تجيب صوتك
ليش ما كلت اسمي غاد
يا حبيبي بكثر ما ﻻعب بشعرك
من كذلتك ضل باصابيعي سواد
ﻻ تملني واني حد الطيحه اشمك
شوف بابك انه كبل العتبه يمك
صرت ناي الهوه يخليني اصح من يفوت
التعب و متاناتك السترن عليه
وجفني والشباج اذا اسدهن اموت
شكد اتاني والشمع خاصرته عمره
المغرب ابجي و ما تبين عيني لو شمس الله حمره
الناس ما تدري بنياشين العفتهن
بجنحي اغطي سهامك وما بينتهن
الصوره كادت جفي واخذتني اعله بابك
الليله اموت ان جان ما اسمع عتابك
الليل سودني اريدك وين اروح ؟
وتعله سنطه
واكثر امن الريل بايت بالمحطه
تدور الايام و معزتك هيه هيه
وروحي جام الضامه مبين عليه
والله من كثرة حنيني هواي ازل
الخيط من يروف مايمشي عدل
جروحي ماشايل ضمدها و كلشي ناسي
الطيبه طفحت والبياض اندار من كلبي اعله راسي
وهاي دنيانه محطه ، اليفتهمها يصير عابر
الماتداوي جروحه ناسه يصير شاعر