 |
| الشاعر فاضل حسن بچينالك على الشوگ |
الشاعر فاضل حسن بچينالك على الشوگ
بچينالك على الشوگ
إذا عالموت لا ضيم
گلبه وضهره محروگ
بس مي يوگع الغيم
سولفنه بيك وكيف الماي
وحتى اليضدك يركض وياي
شفت الغجر والما يصلّون
امن المستحه يبچون بهداي
الدين والدنيا بدينه
إمن المطر خايف علينه
الزرع كلما عطش يقوه
وتدري هيچ يصير بينه
أحلامي والليل الحسبته.. متانيات
سنيني والضيم الي شفته ..طايحات
العمر وي عافيتي بعته .. وعافيات
رخص كلشي عيونك انته .. الغاليات
•*•*•*
يلموگف السمه وياك
إرجع وگف الدموع
الورد لمن فگدناك
ذبل حسباله مگطوع
من گد ضواك عيونّه تخاف
واسمَر عليك الچفن ينشاف
جيتك صبح ياگاطع الليل
وكون الهوى ينعاف تنعاف
ياصدر گلنه وبدينه
وركض حفاي اعتنينه
ندري بيك صويحب الله
ولا تعبنه ولا مشينه
جفني ماسكتت رجفته .. وماينام
وگلبي بعدك طار شفته .. ويه الحمام
وچفي متميز لطمته .. امن السلام
وياي هيچ الوكت سوه .. شبعد ضام
كل قصائد الشاعر قاضل حسن الحسينيه هناااااااا
كل قصائد الشاعر قاضل حسن الرثاء والوطن هنااااااا
كل قصائد الشاعر قاضل حسن الوجدانيه هنااااااا
كل قصائد الشاعر قاضل حسن للسيد الشهيد هنااااااا
الحوار صريح هنااااااااااا