 |
| الشاعر علي مهدي لا وليدي + تندمنه |
الشاعر علي مهدي لا وليدي + تندمنه
لا وليدي
مااكوم لو منيتي ببابكم مااريد اكوم
عبادة اعبدك بس بعد ما بية اصوم
جنت من تنام اودعك
وزه وتعويد الصلح
انه خطوة كحلة من امشي انمسح
حاليتلك هيج ذبلان اعله مودك
وانته ماتدري شتريد
ماتأذيك الرسايل كمت احس روحك بريد
وحقك و تنغر عليه
تحير ياهو يغطي شعرك
وانه لاكيت المطر شمسيتي اديه
والدة وغمت گلبها لا وليدي ولا اريدك
انه وكت الودي اخنكك بايس ايدك
يابرد لاكيك غابه وبيك يركض ؟
لو يوكعونك هوا بالشم اشيلك ،والله مااغض
افرش خيالي اعله عتبتكم وانام
العزه تخسه
احرگني بس اسهر عليه
النار للناطور ونسه
ياهو اسولفله بمحنتك
يكسر كليبي بشجاه ؟
هيج تطردني من اجيلك
توكف ببابك العتبه واني لا
گلبي يرفس هدمي ماضلت ضلوع
غافي جا واني حبيبي
ويه كل نگلة جدم بموادعك للزرگه الوع
ماي شلال وكبل لا اوكع اندل
شضالي طعم بحياتي فوكما صفصافه تذبل
جنت اكول الغيمه تمشي
حته لو فارغ كلبها
ومو مصيبه لوحدي ابقه
الجنه ماصحلها جيران بكربها
هسه وين
عوف ثوبك صاير بقمصاني اشمك
امنيتي ماتندار عيني امن اسمع اسمك
خاف تتشضه حلاتك من اشبگك هيج احس
اليعكد البرده يفل شعر الشمس .
دائرة اعلة اسمك :
جاي مثل الجام دمعاتي اعله طولي
اللاهله من گفه بابك صورولي
وانه من مافات عصفور ويه طبتي تبسرمت
ضاله بنفسي عليش تغيرت
وتفتن ضلوعي اعله گلبي الدللاك ومايتعبك
وانه جاي النوم كارهني واحبك
ودمعي يلتم اعله اسمك بالجفافي
ذلني سجدات الغصن كلهن عوافي
ماحسبتك كطعي لو مثل النسوني
دائره اعله اسمك بأسامي المايجوني
وهيه مثلي
تسجد لعينك گذلتك
وأكثر امن گلادتك ذمتي بركبتك
مو گلتلك حبني ويه الناس أخاف بوحدي تزهگ
الصوره كلما بيهة لمه ، صعبه تنشگ
وازعل واذبل شكابر
ليش ما كلت لضحكتك هذا شاعر
الليل يبدي وابدي ادور الشگگتهن
حته چلمات التغثني أستاحشتهن
يمته ينفك باب بيه
واسبگ الضویات واطلع من ضلمتي
ياما اشتاك بغربي
جنت اكابل بابكم وانه بغرفتي
اعزلني زلفك ، هدني اديك ، اكسرني خصرك
وابجي يمهم لا احبك
وصير ناعور ابجي دمعاتك بظهرك
شفتي ماتعبر سنوني
ضحكتي خطوة جرف بمجاني حدها
ومالي نيه واخذ الناس اعله گدها
وليك اغني
اه يزعل تراب اجيك مراضه ريح ، تگوم مني
والبس الغربه شته فصل الرسايل
بس شفتها
صعبه نايم للعصر محد يندهك
امنيتي ما احسب حساب فراگ وجهك
اخ يا يابه امن اشم روحي واذكرك
گوه ادور زله بیه ، حته اعذرك
مارضة توادعني ضلك ضل وراك
لاتوادع يالبديك
والغصن مد راسة من شباجنة يدور عليك
انته مو راي و جنت بالراس اضمك
عيني اذا شافوك بيها بجفني اغمها
وصورتك مثل الجواز بغربه ، جوه الراس اضمها
تندمنة :
يمكن بالحلم وياك ما حاچي
فزيت و ولا ادري الجفن باچي
ينبهوني اعله دمعي و بالي بعيونك
منين انته اربعينك ما يشبهونك
كاره بيتنا الماتارسه بطولك
وخلصوا ناسي كدما فدوة راحولك
افز مشتعل شوك ، وابرد انتضرك
واتحزم
و تلوي العافيه أصورك
بذمتك ليلي مستفحل عله عيوني
وبعد الصار ،
راسي معاند ، وحنيتلك من جدمي لمتوني !
وتندمنه ،
انه وکلبي كل الصار من يمنه
تندمنه ،
وجي جانت تدك بابك بسناهن وﻻ عضينه اصابعنا
و تنور الضنون براحتي ايچيم
السمه امن تشوف عيني تستحي تغيم
و اطلع صورتك واندم ،
اشوفك يعني ما اغفه
و كبل ما اصفن بوجهك ،
چبيره جانت الغرفه