الشاعر سعد شميل المختار الثقفي يسئل

اصابع نفترك

براهيم ابن مالك الاشتر عن صحبته

مع العباس ابن علي ع

اصابع نفترك بالنصر والتسلم

ويم قبظة السيف نغتب ونلتم

انه وعباس كوخ ومسند العمدان

ياهو يطيح منه الثاني يتهدم

كالو عمت عيني الطف كصه وياه

وتهشم

انه معلم علي سيفه اليرد مثلوم

اول مره هوه اليرجع مثلم

ونقلولي مشاهد حكي من اندم

يالمختار حكي اندم

تراب الطف اذا حطيته بالغربيل

مايتغربل من الدم

مثل صخره تطيح من الجبل للكاع

هيج بنومتي اتكلب اذا بصويحبي اتحلم

اخ الحزن من يلتم

عد الله شكبرها مصاحب العباس

وماكل خبزة امه التخلص من الشم

شربت من جايها وطلعت فاري حوك

وهو راضع لبنها شيطلع الله اعلم

اخ الحزن من يلتم

نقلولي مشاهد عل الطف هواي

بوقات الصله الاذان اسهام

وبالمصلايه كام يحطهن الرماي

وشايل دركته العباس مو من سيف

شايل دركته الزينب مسوي فياي

وباخر نفس كالو صاح يامولاي

يامولاي

السهم بعيوني مايذيني ابو السجاد

سهم الجربه يوجعني ونزيف الماي

ورقيه الجر تراجيها صلف ورخيص

يم جثت ابوها يعامل الشراي

اثاري موادع الصحبان مابي صوت

مثل ذيج السيوف التنسحب بهداي

انه اخر سهم صل بجعبة الصياد

من اطلع ماكو صاحب يطلع بمكفاي

القاء مع مهند العزاوي شهكة عشك : هنااااا

القاء مع الشاعر رفعت الصافي كعده من العمر هناااا