 |
| الشاعر سمير صبيح ومضات,وقصائد قصيره اشلع ما اسد |
الشاعر سمير صبيح ومضات وقصائد
اشلع ما اسد والغيهن الفتحات
الجانن بوب امس ما اسدهن الغيهن
والزمهن سرة باب العدل و الطيب
التسامح و الصلح اولهن الغيهن
الحصلته شنو من جانن مشرعات
يكثرن بالهلا وينطعن راعيهن
الملح ما دنكنله عيونهم وكحات
شبية و وين وجهي الكهوة تثنيهن
الزمله الدرب حدما يجي الدوار
الگمگم و الدلال كبالة اخليهن
وما الزم سعر ، شراي مو شراي
ابد ما اعامله ، شيطيني اطيهن
صم حنطة وشمرته ، والحمام آلاف
خاف ارجع و المهن وين الكيهن
افرط بلغنم ما فرطت بلخيل
فوك الخيل جني منصهد عليهن
جعت ما جوعتهن والزمن مضمار
بكل جيل اليجي يصهلن قوافيهن
سمير صبيح احچي وياك وحدي,
احجي وياك وحدي وانه تماموجود
واسولفلك عليه وانتمو يمي
واصيح
واشتكيلك
واصرخ من الاه
ولاچني اشتكيلكواحرگ بدمي
تلم بيه حطب لتگليالمَّن بيك
لان جاسك برد موكاتلك لمي
ولاگلبك عليه وتحزنمن ارتاح
وتغني من الگلب مناغرگ بهمي
فصمه آنه وتطمني وبساضوگ الماي
اصعد على التراب تكيف بطمي
واخضر ياخضار وعلىفوك الگاع
وينذل اليذمني ويصغربذمي
بس هيه المصيبه شوكتاكض الماي
وافك حلگ القفصويطيرن إچلمي
وادلي على الطعنيوقاصة الاسرار
واكسرها واطش علىالخلگ ضمي
واحط حد للقلقوالخوف والوهواس
واحاسبها الچفوف الكثرتبغمي
گبل شفت الطعني وگلتمو هاذ
وشفت دمي على سيفه وگلت مو دمي
سمير صبيح احركني كتلة حطب,
سمير صبيح احركني كتلة حطب ..
.بيه ادفة وانه احتمل
وكيف حركني ودفة ..وطفاني بعد الحرك ..
كتله ضميرك صحة ؟
لا كال اريدك فحم !
مرتين راد اشتعل
وطبع السعادة دهن ..وماي انه ما ننجمع ..
شما ننخبط ننعزل
والخلك شعرة صفة ..
وقنعني ما تنكطع ..بين الخبل والخبل
وبروحي لكعة حزن..
من ابتسم ما تنمحي..وبلماي ما تنغسل
والفرحة طير بغصن..
اسهام الملامة وهلي ..
وعداي والمستحة
معقولة ماتنكتل !
بعكازة اشوف الدرب ...المرود كسرته بدي ..
والله استحي من الكحل
تمنيت اضل وحدي...
البدوي حياته تعب..ضيم وسموم وعطش
بس المهم منعزل
الي يطب معركة
ويطيح وسط العدو ..ويموت موتت شرف
خل الجسد ينسحل
..
سمير صبيح كلامك ع الكلب،
تلكـتهن لكت والحـافر يغـرز
ظميت السوالف غصبن على الروح
لان ادري الصدك من ينحچي يبزز
وشربت الحزن من دمي انه اسنين
وشربته دمـع من گـال لي معوز
اگمز ع العنب ما الوحه ايديه اگصار
خلصت العـمر ع المامش تگـمز
درخيلي الحبل ما عندي جنح ايطير
دم رجلي انحصر واحبالك اتحزز
لا تلوم الزرع من يفسد من الريح
البراد على الـدفو لو سـير يفزز
وگلبك مو گلب صخرة وعليها اضلوع
وانا حالي نسيم بصخرتك شيهز
سمير صبيح راضي بعشرتك,
راضي علة هذا الجرح
رغم الجرى والصار
علمني كثر النزف
اعرف نوايا البشر
واعرف شلون اختار
هواي بطبعهم رمل
بس الضميرة صخر
ما ياخذة التيار
وغيرني هذا الجرح
مو ذلك انة الجنت
بالمي اظم احجار
هسة اعرفت ينوكل
من يا مكان الجتف
وانكشفت الاسرار
وهسة من اشوف السعف
بوجه اكلة سعف
ما اوصفة بالجمار
وما ظل بعد للصبح
مد ايدة جف الفجر
ظل الصبح مشوار
بجيت طيور الحزن
الناس صارت شبج
وانة الوحيد اشجار
والعين الهة صور
ع الحايط معلكة
معليهة بالبسمار
شعليهة بالبسمار
سمير صبيح مايمشن علي.
ما يمشن عليه مشيتهن مجبور
وأظاهر محب وأذبح ادموعي انذور
ولا عبرن عليه وحالي حال الناس
أعرفهم حمام شلون اكول اصكور
ولو جرحي انفضح ميستره ثوب الحال
ويسألوني وكلت لا على الشمس مشرور
ومرت جثتك جناز بيه الليل
صرت انه السدر والماي والكافور
ولا نفسي دنت حطلي الطمع ماعون
كلي اخذ شتريد وكلت لا مشكور
ما دور بعد محصولي بالبستان
لان شفت الحرامي مصاحب الناطور
المستنقع نشف ظل بي قليل الماي
بعد طكت شمس ويبين المستور
ويبن الفعل والما وكع والطاح
وبين النصب والجار والمجرور
واتلكه الفرح ملكة طفل للعيد
وأفور دلتي كد ما دليلي يفور
كلامك ع الگلب دوسة حوافر خيل
تلكـتهن لكت والحـافر يغـرز
ظميت السوالف غصبن على الروح
لان ادري الصدك من ينحچي يبزز
وشربت الحزن من دمي انه اسنين
وشربته دمـع من گـال لي معوز
اگمز ع العنب ما الوحه ايديه اگصار
خلصت العـمر ع المامش تگـمز
درخيلي الحبل ما عندي جنح ايطير
دم رجلي انحصر واحبالك اتحزز
لا تلوم الزرع من يفسد من الريح
البراد على الـدفو لو سـير يفزز
وگلبك مو گلب صخرة وعليها اضلوع
وانا حالي نسيم بصخرتك شيهز
سمير صبيح راضي بعيشتي,
سمير صبيح علامه الصبر,
بحبل الموت حبل الروح مشدود
جسر ويعود لدگلي بسلامه
اذا گال القدر ميعود ميعود
حر الصيد ينصاد بحمامه
وبركع للمات الشوف مسدود
انه الطب ولگه بروحه غرامه
مكتول وعلى السجين مسنود
واداة القتل مطعون بملامه
وراسم من النزيف عيون وخدود
گلت بلكي الصده حافظ كلامه
مادور نفسي واثبات وشهود
خرسه الگاع وتحذر النعامه
ولسان الصدگ بلخوف معگود
من المعدم الى اصحاب الفخامه
مرورا بلبطر والعاش مكرود
اسم مخطوط تالينه برخامه
فوك الكاع اسم وطين للدود
بعد موانة ذاك الينحسبلة احساب
انكسر سيفي دكلي اشيطعن اكرابي
ونسل منجل حصادي وكاعي شبعت بور
وملح الضيم فاظ وغرك اترابي
ونوم اهل الكهف ووسادة النسيان
ولا دكت محب وافززت بابي
وشبر عن النهر اتعب واحفربير
لأن ماريد اطلب حاسب احسابي
ترد باجرصحو وايصيربيها ازماط
اريد ازمط صدك خل غيرجذابي
واريد اظحك صدك عالشفة اشر اسنون
واشيل من الاصابع عظت انيابي
واغني من الكلب واطرب واركص الروح
واكلها العيد هذا وعيدي يثيابي
يعزلهم عزل طركاعة ظرف العوز
منوياهو اليظدني وياهم احبابي
كل قصائد الشاعر سمير صبيح الوجدانيه هنااااااا
كل قصائد الشاعر سمير صبيح الوطنيه هناااااااا
كل قصائد الشاعر سمير صبيح الوجدانيه هنااااااا
كل قصائد الشاعر سمير صبيح الوطنيه هناااااااا
كل قصائد الشاعر سمير صبيح هجاء هنااااااا