 |
| عامر العيثاوي ياالهي, قصيدة الامام علي, |
عامر العيثاوي ياالهي, قصيدة الامام علي,
عامر العيثاوي ياالهي,
عامر العيثاوي قصيدة الامام علي,
من ضربة المحراب واني انتظر
وتوزرت وتحزمت ب الصبر
وبانت ملامح معركة ب الافق
ووصلت وصيتك قابلتهه بشكر
مو صدفة كل الصار يلدبرت
انت المدبر واني طوع الامر
فوك السراط الخلك باجر تجي
وكلمن على كد البلاء من يمر
ولهذ وديت على كد حبنه الك
وعلى كد حبك النه ضيم وعسر
خاطر نمر على السراط بشرف
وباعلى المراتب نجي بيوم الحشر
ماردت حيدر يوصل المعركة
تدريه مايقبل بغير النصر
نفس الوكت ردته بقمم جنتك
اختاريت موته بكل وكت تنذكر
هيج الشهادة شكد عظيمة اجت
بمحراب ساجدلك وراسه انطبر
ومن شفت تدبيرك البلطف شلت
راسي وكلت ربي الصبر والستر
وماقصرت حتة بمشاعر هلي
وتقصدت كلمن يموت بكتر
ومحد يشوف الثاني من ينكتل
خافن يشوفه مكطع وينكسر
وشفت العطش اول علامة الك
ردت الكمر يبعد ولو جم شبر
وابتده المشهد صاب عينه السهم
مو صدفة انت الخذت منه النظر
منظر اخو والخيم من تشتعل
خافن تكدر خاطرة بهل صور
ولو نهر لو عباس يطفي الخيم
هلكترت عباس يم النهر
وحسين موصدفة وعبث ينذبح
والنحر بامرك مو بامر الشمر
ماردته لمصاب الكمر يلتفت
ولهذ صارت ذبحته من النحر
حتة رقية الليل ماغمضت
تتذكر حجاية ابوهه بفخر
لله اسهري كون جدج علي
ماكالهه وينج ووين السهر
وخليتني شاهد لهذا الحدث
اعظم رسالة لناس ماتعتبر
حاشاك ماخالق المرأة بضعف
خالقهه من طين ومحنة وصبر
ملاحضه الصفحه لم تكتمل بعد
كل القصائد الوجدانبه للشاعر عامر العيثاوي هناااااا
كل القصائد الحسينبه للشاعر عامر العيثاوي هناااااا
ﻛـــﻞ ﺍﻟـﻮﻣﻀـــﺎﺕ ﻟﻠﺸــــــﺎﻋﺮ ﺍﻟﻌﻴﺜــــــﺎﻭﻱ هناااااا
كل القصائد الرثاء والوطنية للشاعرعامرالعيثاوي هناااااا