 |
فاضل حسن عرفنه الكل قفل مفتاحه |
فاضل حسن عرفنه الكل قفل مفتاحه + كعدنه بلا وكت
جا مات العلم بلوانه
اسم الله اعلى الحشد ورجاله
شفنه العافيه بجاله
ترا البي كي سي جانت فاله
اليحبنه منتصر ويانه
_وين الهددو ماجوني وين القادمون احجولي
بس دگ الحشد عرفوني عالي الزود ماوصلوني
-عفيه شما تجيب السمره يجر سلاح ميجر عذره
شوفهم الدنيا الحمره من كال الحشد هذا اني
عشنه ايام مره ومره البالكاروك عينه الگبره
ظلمة وشرفتنه الگمره من گال الحشد هذا اني
-فرك چفه يذكرها بدگة صدره وصاها
بيوم البي اجت داعش ضحكته شلون كصاها
_على طاري الجنوب ويه التفگ صاحي
ومايزرع مواقف غير فلاحي
تطب زرگه تفگنه وترد فضيات
لوما ارمي بيه يغنتب سلاحي
-من ذوله من ذوله ي دنيا شويه من ذوله
هلهوله هلهوله للبيهم لعب جوله
-مو گلنه وحجينه يابه احنه اخوان كلبي عيوني
عرفتك لانكول ذيابه امن البير الحشد جروني
-جبتها وياي ذيج وهايه وانته وداعش بفد رايه
بعد ماتغلب البجايه من كال الحشد هذا اني
جبتها وياك عيني ويابه من قابيل شاف غرابه
الشمس طلعت على الجذابه من كال الحشد هذا اني
_الدنيا اليوم ابجيها واعدل ميل ممشاها
اليوم جروحي ابديها وماتمنعني حاشاها
-انا ابن الخايبه الماتنلوي ذراعه
والساني خشن وبجيبي رصاعه
وكت الضيف امد ذرعاني بنيات
بس وكت المكاون جفي طركاعه
-دگ روحه دگ روحه نذر للكاع دگ روحه
مملوحه مملوحه بجرف الصخر مملوحه
-من حرب الحرب ماشيها
انه والتفگ وجروحي
لوتكضيني لو اكضيها
لا مااصيح ابد ياروحي
-موكافي ذبحتو ومتنه
تبچي الكاميرا الشافتنه
عيون الاهل ماعرفتنه
متنه وملت الدفانه
بس لـ الله وحشدنه الغالي رافع روسنه للعالي
ضلت داعش بلا والي عليها الراهنت خسرانه
-نزر وبكيفي اعديها
واعرفه العلّي وداها
گاعي وكيفوا بيها
والرداد رداها
_انا امعطل نزولي وماني متنازل
خاطر مابيع ايامي بالآجل
_بعد مابيه ارد بصاحبي جناز
وارد اسمع حجي البرواحنه يجامل
-اي مذمومه مذمومه العيشه بذله مذمومه
مالومه مالومه روح الزين مالومه
((( بيها انه اخذ فال من گدرتها لو ادري بيها تخووون ماعاشرتها. تعرفني زلم الگاع من اكتبلها
چلماتي عالرباط موهيج احلها))))
الشاعر فاضل حسن كعدنه بلا وكت
كعدنه بلا وكت والليل عالباب
ندهو بالنه مطولين الغياب
خاطر كسر خاطر لازم انكوم
نعسان الضوه بعيدين الأحباب
إفتح ها منو...؟ كال انه العراق
شكلّه آنه الصرت ويّاك إلي عتاب
كسرنه احلامنه وعاتبنه الجفون
وبضهَر الصبح ذبينه التراب
يوميه بحزن نلتم مثل غيم
الك فدوه انحسبنه وتاه الحساب
بعدنه بيوتنه انمر بيهه خطار
عوز وحرب حد ماصرنه شيّاب
نخلص من ظلم نوكع بالف ضيم
صَبُرنه مارَهَم.... مفتاح للباب
بس احنه نحط بيبان للكاع
توابيت النجف تحسبنه ركّاب
لحّك عالدمع ما دامه بالعين
لأن وكت الفرح موجوده الأصحاب
دنيه وتنسه كلشي وباجر تشوف
وكول فلان كال....... وطلع جذاب؟
وگفت بعيني ماوگفت دمعتي
عفتني النار متونسه بشمعتي
شگالت روحك وليش
تگلي انساني بعديش
يروحي شبيچ مني ماطلعتي
شاتلك عمر وگطعت بيه
الورده تميل اذا بالمزهريه
عفتني وصار اسمي حچاية الناس
الهوى والماي وعيونك سويه
گبل لتريدني انساك
اسولف سالفه وياك
گبل لتروح حاچيني برجعتي