 |
فاضل حسن أخذوها روحي |
فاضل حسن أخذوها روحي
...................
أخذوها روحي وياكم أخذوها ..
ﭼف أبو فاضل راية علـﮔوها
قولوه يمك يستحي يمد أيده .
جي شاف جفينك عليك بعيدة
الله عليكم هيج وصلوها
ذمة وصيتي هيج وصلوها
مو كافي روحي أخذوا حتى أيامي
كل اللي شفته بصحوته ومنامي
قولوه عطشانك يجود الضامي
هالواقف بابك يا عيد صيامي
كل شيء أخذتوا وياكم أخذوا عيوني
وهالنواب هم ردوا علي وأخذوني
أخذوني طيره بصحنه ربوها
أبحر بمركب شوق روحي شراعه
قلبي عشق عباس حلو أطباعه
نعم الأخو نعم الصبر والطاعة
لمن شبكته أشبك آنا بروحي
تردلي روحي وآنا اصيحن روحي
ما أريد روحي يمه ودوها
هاي أخو زينب آنا جيت لدارك
قاصد دنيتك وأنت آمن جارك
أروي عطش روحي بدمع زوارك
يا قمر يالـ بس النجم خطارك
القلب يرجف خل يدق الحيل
ما يهيد يمك راد يغفى الليل
روحي عله حبه لا توصوها
أرسل عيوني العاشقات اطيوفه
الله عليكم طوفي بيها جفوفه
ما اوكف بطوله آنا ساعة شوفه
ما أمشي بس يأخذني راوج ضيوفه
أوصل لشباجه وأكضن بابه
وانسه طلبتي بين جمع أحبابه
هاي وصيتي يالـ سمعتوها