 |
الشاعر فاضل حسن من ودعتني + عيون غربه بنص خيمنه
من ودعتني ورحت
شفت بخيالك نعش
يصفگ الجرف بجرف
بجفاك صار النهر
الخيمة مطرت عطش
وبروحي يركض بچي
شگد سولفت جيتك
ليلي إحترگ بالسهر
شگد صوتت بالخيم
چن سلّبو جيتك
غمّس بگلبي الجرح
ياحصتي منك سفر
ها ياخليص الوفه
ها يارفيج الصدگ
العباس يمه وخلص
نقطة إعلى راس السطر
ومن عاينت طيحتك
حتى خيالي يبس
شايلني چفك جبل
ماعندي غيرك ضهر
عباس خوية شفت
چني أدري أبد ماترد
خلّص نهار العمر
فيّك يخيّ ما كِسَر
صح العيون إنچفت
بس خضّرت دمعتي
بلا نيه چان الدرب
كل خطوة أبعِد دهر
سنطة ولا حِس بشر
والدنية تصرخ علي
مو أمشي أعثر گمت
إعلى جدامي عمري گصَر
صرت أنتچي إعلى الهوى
واعگِد خيوط الضوه
خلصت نجوم الصبح
ومامر عليه الگمر
أَحترِگ مثل الشمس
كلها بنهاري مشت
بعيوني شوفي إنكتَل
لمن وصلني الخبر
مو توه طولك حِله
والعيله جرّت نفس
كلش خذاك الدرب
ماطاح منك أثر
بلياك وحشة الگلب
إكسر صفنتي بهله
ياخوها زينب بچت
گوم وتعلى المهر "
الشاعر فاضل حسن عيون غربه بنص خيمنه
تريد تكبر گام تمشي
على اصابعهه الجهال
يصيح اخذو امن الجرح كلش طويل
وياي شيلي السيف يايمه ثگيل
مادرينه ياهو گال البوگ
بالحجه حلال؟!
مادرينه ياهو گال البوگ
بالعاشر حلال؟!
خويه نلعب ياهو بينه يصير زلمه
نروح نركض للجرف ذاك ونلزمه
نوگف بصف الگمر ونصيح ظلمه
نلبس احنه هدوم ابونه ونعبر الأرض الحرام
انشوف منهم ياهو بينه ايطلع اكثر بالسهام
ولو اجانه الجيش غفله انبطل انگلهم حرام
لا حلال لا حلال !!!!
لايذبحونك تعال ؟!!
يمه ارجعي ....
ماكو بالطف أي مره
راح اجيب الماي واصلي السره
راح اگلهم آنه جدي حيدره
يمه اركضي .....
حلّي ايدي
ذوله شدوهه بحبال
عيون غربه بنص خيمنه
جرحت وجوه الدلال
تريد تطول گام تمشي
على اصابعهه الجهال
- [ ]