 |
| رائد ابو فتيان عليك اول قصيدة, لابلسمه ولا بلارض,الساعه مجتفه |
رائد ابو فتيان عليك اول قصيدة
عليك اول قصيدة ...محلفك تعود
المابيهه صور... لنكتـبت بروح
بسذاجتهه بسبكها... الباقي معيوب
بكثر ما بيهه... ركة تريدك الروح
انتهه دور الجمال ...بهاي العيون
والف يوسف اجه ...وما عبره ويروح
اعله حسنك بقت... عيني تصيح الله
وجفيت ولسه شوف العين مبحوح
مشه وياك الوصف ...هسه انه مجبور
اكتب والقصيدة ...تنكط جــروح
قمم هيبتنه جانت ...واليكرهون
جعوب جدامنه ...يشوفوهن سـطوح
لكن من رحت ...خليتني بحال
من اوكف تكول ...انسان مطــروح
امن اول ما رحت... هديت المتون
وظلم وني ...اذا سميته مفضـوح
اذا يم وني ...جبت الفاكده وليد
تشوف ام الولد... ماتعرف تـــنوح
ارتفع روج الشماتة ...لهامة الشوف
ابلم راضع... ضيافة وبابه مفتــوح
وانت تكلي تطلع ..برهن شلون
ونه لدمعي النزل. يراد ســابوح
ثلثين العمر. ضيعته وياك
وشلي باخر ثلث ...من راح اضـيعك
شعجب نزلت روحي ..الجانت شراع
ونه المانزلت.. فد يوم دمــعك
ماودعتك اني... بيوم المشيت
رفعت ايدي بتعب.. كل همي ارجــعك
اريد اومي تعال... ورجفت الايد
منكد ما قوت ....ظنوني اودعك
رائد ابو فتيان لا بلسمه ولا بلارض
لا بلسمه ولا بلارض عفنه الروح
نيام كعده وبلحلم تانيناك
ما دك جدمنه عله الارض من امشيت
لمن رحت حته الدرب راح وياك
موته وبجينه ومكبرتنه الصفنات
وقيس انته موته ودم بجو من جفاك
انصلي ونذكرك حته وكت التكبير
يمعود ارجع خاف نوصل لشراك
وريل العششك هوه الزمط بيك يعود
وطكينه ياس ع الدرب نتلكاك
ولن شيعو فوك السجج نعش الريل
ميت خجل جي رد علينه بلياك
رائد ابو فتيان الساعه مجتفه
الساعه مجتفه... من رحلت لليوم
ومرات انسه انطرك... واكعد انطرهه
مثل اليعبراعمه.. بدرب ينبض ناس
ادافع وامشي...هيج اللحظه اعبرهه
خليت بوعودك...صوره ما خليت
بقت بس البالي...شلون اكبرهه؟
وعصف ذكراك اجه ...وذاكرتي بيت ايتام
كظهه من العرك..بالكاع طشرهه
ملكاك ووداعك ...مرن على البال
تأمل روحي ذكرى... وذكرى تكسرهه
وروحي ابينهن... تشتعل حيرة شوك
ساعه العيد...ساعه المكبره تجرهه
عصفوره اعتنت... روحي وجنحهه انصاب
وين تطيح... بس البحر ناطرهه
نصت كلش لحد ...بلل رجلهه الماي
وشبر لو يعله ...روجك جثه يشمرهه
تعال بلا مهر...كبع واخذ حسرات
وحدتهن جمر....روحي ومشاعرهه
واتخيل جمرهه...الحسره من يصير
هجرك جابهه....ورباهه شاعرهه
اجوا طعنوني بعدك حتى اليواسون
ومحنتهم علّي بدموعي أأجرهه
الجروح احتاجتك سيّر ولو لجمات
واخاف تحب طعن...جابت خناجرهه
يداروهه وتمل محتاجه اذيه الروح
وغيرك ماعرف واحد يدمرهه
وي غيرك عنيده احجي وزعلهه يزيد
ومن يمك فطيره...بكلمه اقشمرهه
تعاتبني واذب ...بالكبرياء الصوج
لان عنك بعدنه...اثنينه انكرهه
وياعزة نفس... بيهه انت ماموجود
هاي الذله من... ايامي تهجرهه
عزة نفسي... من اتوسلك وتروح
وانكع خطوتك... بدموع ناظرهه
من ما تقتنع ...بدموعهه من العين
وعتهه لخاطرك... تبجي من اظافرهه
غريزة موت... طلعت بيه من جفاك
وعلى باقي الغرائز... سحك حافرهه
واجاني الموت لكن.... ما متت مو خوف
لان ما مستعد... ساعتك اخسرهه.