الشاعر فاضل حسن مشيت بليلهم

مشيت بليلهم ماهمّك الموت

مچافت والوگف يتلگه تابوت

درب بيه الگلوب الترجف تطيح

درب بيه الفشگ يتلفّت يفوت

من ابيض لبيض انته الچفن والشيب

البخت والخير راح وياك مبخوت

الدمع مثل العنب يوگع عناگيد

على الزينين زحمه يطيح بسكوت

يبومئمل امن أهد فرگاك لليوم البنادق خنچرت مارفعت الصوت

تبرّد روسنه لو جيت بالطيف

وتصخن گلوبهم من إسمك يفوت

يذكر العافيه الما چهبت الناس

من يوم الرحت لزمتنه البيوت

فهّمنه انته منهو خاطر نهيد

ونخرّط گلوبنا بمصباح كل عيد

نثوبلك فشگ لو نخبز الغيم

نقره الفاتحه لو نلعن ايّزيد

نشد فتوى الحشد بزنود الأطفال

لو نكتب على اسمك مقر تجنيد

يفلاح السواتر فرزن الناس

اليّهز النخل من الصواعيد

يغربيل الحچي باچر ينكرون

ويسلّبون الجروح امن المگاريد

ماندري نسو مدري يتنسون

زلم تالي وكت ماندري شتريد

تجينه بلا تعال اتسرفن الگاع

وتصلي المواقف بالمواعيد

حضرة بخت چفك شال الثگال

فرغ هور المواقف چفك يصيد

يشايب عرّست بيك التوابيت

ومغيّسل دمعنه ايغسل الحيد

اجه تراب السواتر زاير وياي

مصوب يندفن يم گبرك يريد

كل قصائد الشاعر قاضل حسن الحسينيه هناااااااا