 |
| عله عين الفراشات |
الشاعر فاضل حسن عله عين الفراشا
الورد قبل الصبح مات
نسيم الطيح اليل
من حدرالسهر فات نسيم الطيح اليل
وينك يمسافر بعيني دمع
وينك يالتلهث باليلي شمع
وينك ياصدر حنظلت الهوى
صدري ولو تعرف شگد انوجع
أخ من صدگ راح ضاع امن ادينه
ياوكتي شتگول بس هلله بينه
نبچيلك حروف
وعيونك تشوف
ياتالي الطفوف
يل منه بينه
///////
گبل نحسبهه الأيام
اسبوع الكوفه چن عام
ورد چنه الرمل ذاك
ثلج مايچوي الجدام
بعدك من الله چن بيه دمع
بعدك يرهم علي كل الدمع
انته وياعين تلگالك مثل
ميت تنشاف واضح تنسمع
تركضله العيون وجهك يغالي
ياغربة جفاك ما الهه تالي
سيدنا مبخوت
غيرك شبع موت
ذاك انته والصوت
مسموع عالي
////////
يقائد كل الأبطال
يكلمه بفوهه تنگال
ولدك نخلو الليل
نجم حطو بالسلال
ولدك وگفو سواتر للوطن
ولدك لليوم رتبتهم چفن
ولدك بذمتهم الدين ويضل
ولدك فاسة علي براس الوثن
مذهب علي اليوم ولدك رجاله
ياسيد الدين زود وبساله
إي والله مشكور
يازارع النور
ياصدر الصدور
گلبي انحناله