 |
| الشاعر رائد ابو فتيان الامام علي {ع} |
الشاعر رائد ابو فتيان عليت الاسلام انته
علّيت الإسلام انته وعلي اتسميت
يمن علة اصبحت والكفر عليته
كلّك معجزة من راسك الرجليك
تاريخك سما وبالشمس خطيته
نولدت ابكعبة الله وفزت على الحجاج
عمرك ثانية وبيت الله حجيته
خيبر شنهو خيبر سال بيدك خوف
طاست ماي صـــــار وهيــج بديته
وابن ود من عبر جا غير بيك احتار
ضـــــــــاع وتــاه بيك وانته دليته
بيمنته ويسرته وجن جبل ليكَدام
فر راسه وشرد هم انته لاكيته
ورجعت الزمن طكيته بالفقار
حد ســــــابع ظهر بالكاع وديته
غيرة انته عركت حد قبضة الفقار
وصعدت بيه الغيرة وراسه طكيته
ذو الفقار امام اعله الصلاة مفطوم
وجفوف الفتحة فوكه ويدعي خليته
اللهم اهــــــــدِ المنخلق من طين
الطين تبدلك ولهــــــذا كرّيته
وما تنسه اليتامه بلحظة يالكرار
وحت وكت الحروب الأمر ساويته
جف كظ الحرب بالجثث هز الكاع
وعله روس اليتامه الثاني مشيته
العراق عمامة صار الراسك المطبور
وصبح جند الوطن صرت انته بيريته
طبرتك حكمة الله الراد دمك سيل
مد جفه الوطن بدمـــاك حنيته
ولهذا العراق مكابر وميطيــح
من دمك لأن مــــــاخذ عراقيته
روح البيت ركضت من رحت للموت
ماشايف بشر يركض وراه بيته
ادري الموت حق مو لأجل هاي امشيت
الحق انتــــــه اذا ترجعله لو جيته
بس تدري الكفر ربك حياه بالنار
رحتله وبالفقار واهناك طرّيته
رائد ابو فتيان علي اليحجي بحضرتك
علي اليحجي بحضرتك كون ادي خشنات
مو ينصحنه جدوه وبيده لمعت ماس
وكون اجفوفه تنطي وتنسحب بلبوس
مو تنمد علينه وتاخذ وتنباس
يلتنام على طولك لو حمامه اجوع
اكو بسمك حجو نامو براس الناس
هسه العنده ابو يحس بليتم مرات
اليمك فاكد اهله وبليتم ما حاس
اليتيم بوكتك يحسدونه ولد الخير
بس هسه على راسه اتغير المقياس
علي فتهمو غلط كل السياسين
بلجف ينمسح مو بلرجل ينداس
قصائك في حب الام علي هناااا